कैलालीको घुरहा नदीमा रहेको पुल छेउको जमिन भासिएपछि दुर्घटनाको जोखिम बढेको छ । कैलारी गाउँपालिका–४ र ६ को सिमानामा रहेको उक्त पुलमा दुर्घटनाको जोखिम बढेको हो । केगाउँ र भगतपुर जोड्ने पुलको पूर्वी भागमा जमिन भासिएको छ । भासिएको क्षेत्रमा मर्मत कार्य नभएपछि दुर्घटनाको जोखिम बढेको भनाइ स्थानीयको छ । पुल भएर दैनिक कैयौँ मानिस सवारीसाधनबाट ओहोरदोहोर गर्ने गर्छन् ।
भासिएको ठाउँमा स्थानीय सरकारले मर्मतको लागि ध्यान नपु-याउँदा दुर्घटनाको जोखिम बढेको कैलारी गाउँपालिका–४ के गाउँका भीम तिरुवाले बताउनुभयो । “बिग्रेको ठाउँमा मर्मत गर्नुपर्ने दायित्व स्थानीय सरकारको हो,” उहाँले भन्नुभयो, “तर अहिलेसम्म ध्यान पुगेको देखिन्न । जसका कारण दुर्घटनाको जोखिम बढेको छ ।”
उहाँले जनप्रतिनिधिले चुनावको बेला बाटो मर्मत गर्ने प्रतिबद्धता जनाए पनि आफ्नो प्रतिबद्धतानुसार काम गर्न नसकेको गुनासो गर्नुभयो । केही वर्षअगाडि बाढीले कटान गरेपछि त्यो पुलको पूर्वी भागतर्फको जमिन भासिन सुरु भएको थियो ।
जमिन भासिँदै गएर पुल पश्चिमतिर नदी पूर्वतिर जाने अवस्था सिर्जना भएको छ । बिग्रेको ठाउँमा गाउँपालिकाको कार्यालयले मर्मत गर्दै आए पनि त्यो टिकाउ हुन सकेको छैन ।
पुलको पूर्वतर्फ देखा परेको समस्या समाधानका लागि अझै पूर्वाधार थप गर्न आवश्यक रहेको गाउँपालिकाका अध्यक्ष राजसमझ चौधरीले बताउनुभयो । उहाँका अनुसार त्यसका लागि एक करोड रुपियाँको लागत स्टिमेट पनि गरिएको छ ।
घोडाघोडी खबर टिम
प्रवन्धक : स्वरूप चौधरी
सम्पादक : इन्दु के. सी.
बजार व्यवस्थापक : श्रेयस चौधरी
प्राविधिक प्रमुख/सह-सम्पादक : टेकु क्षेत्री
कार्यक्रम प्रस्तोता/रिपोर्टर : अन्जान चौधरी