ई-घोडाघोडी खबर

६ जेष्ठ २०८१

  • डेढ करोडका योजना अन्तिम चरणमा

    डेढ करोडका योजना अन्तिम चरणमा

    Share

    अमरगढी नगरपालिका–७ मा डेढ करोडभन्दा बढीका योजना पूरा भएका छन् । चालु आर्थिक वर्षमा २१ योजना पूरा गर्न एक करोड ५२ लाख रुपियाँ खर्च भएको छ । पोखरा क्षेत्रका २१ वटा टोलमा पक्की बाटो निर्माण गरिएको छ । त्यस्तै पिसिसी बाटो निर्माणमा ८० लाख रुपियाँ खर्च गरिएको वडाध्यक्ष खड्क बोहराले जानकारी दिनुभयो । सातौँ वडा भेला कार्यक्रममा चालु आर्थिक वर्षको योजना र खर्चबारे जानकारी दिँदै वडा सचिव लोकराज पाठकले सबै योजना पूरा भइसकेको बताउनुभयो ।

    बाटो निर्माणबाहेक पर्खाल, सिँचाइ, मन्दिर निर्माणलगायतका योजना सम्पन्न भएका छन् । सहर शासकीय पूर्वाधार सुधार अन्तर्गत निर्माण भएका योजनामा भट्गाउँ बाटो निर्माण २५ लाख, जोशीगाउँ नानीभट्गाउ बाटो निर्माण १५ लाखमा निर्माण गरिएको छ । 

    त्यस्तै भुवनकोट सडक पर्खाल निर्माण १० लाख, कैनी टोल बाटो निर्माण १० लाख, सुनार टोल बाटो तथा तटबन्ध निर्माण १० लाख, ऐरी गाउँ, भन्तन गाउँ बाटो तथा ओखरमुनि पर्खाल निर्माणमा १५ लाख रुपियाँ खर्च गरिएको छ । सल्ला गाउँ रावत गाउँ बाटो निर्माण १० लाख, कालासैनी सिँचाइ ऐरी भूमिराज मन्दिर निर्माण, लाटाभूमिराज मन्दिर निर्माण १५ लाख, उग्रतारा सुनपोखरी मगराउँ सिँचाइ १० लाख र सिरोला पोखरा बाटो निर्माण १० लाख गरी जम्मा एक करोड ३२ लाख रुपियाँ खर्च गरिएको छ ।

    सुदूरपश्चिम प्रदेश सरकारको साढे सात लाख रुपियाँ लागतमा शैलेश्वर महादेव मन्दिर मर्मत गरिएको छ । वडास्तरीय योजना अन्तर्गत साढे तीन लाख रुपियाँ लागतमा भट्गाउँ सिँचाइ निर्माण गरिएको छ । 

    प्रधानमन्त्री रोजगार कार्यक्रमतर्फ साढे तीन लाख रुपियाँ र वडाको ५० हजार रकम थप गरेर चार लाख रुपियाँ लागतमा सुनपोखरीदेखि सुन्तरपुरसम्म बाटो निर्माण, डेढ लाख रुपियाँ लागतमा फलोडा खेत कुलो निर्माण, छ लाख रुपियाँ लागतमा शैलेश्वर मन्दिरदेखि सल्ला गाउँसम्म बाटो निर्माण, दुई लाख रुपियाँ लागतमा कैनी टोल बाटो निर्माण गरिएको वडा सचिव पाठकले जानकारी दिनुभयो । नयाँ आर्थिक वर्षका लागि टोल भेलाबाट योजना छनोट गरेर स्थानीयले नै योजना बुझाएको वडाध्यक्ष बोहराले बताउनुभयो । २१ वटा टोलमा टोल भेला गरेर स्थानीयले योजना माग गरेको उहाँले बताउनुभयो । नगरपालिकाले एक वडामा योजनाका लागि १२ लाख रुपियाँ मात्र छुट्याउने जानकारी दिएको उहाँले बताउनुभयो ।

    ई-घोडाघोडी खबर

    सुचना तथा संचार मन्त्रालय,
    दर्ता नं. : 071/72/770,
    पान नं.: 602780247

    घोडाघोडी खबर टिम

    प्रवन्धक : स्वरूप चौधरी

    सम्पादक : इन्दु के. सी.

    बजार व्यवस्थापक : कालु राम चौधरी

    प्राविधिक प्रमुख/सह-सम्पादक : टेकु क्षेत्री