कटुवा पेस्तोलसहित धनगढीबाट २१ वर्षीय युवक पक्राउ

धनगढी, भदौ १७ गते – प्रहरीले कटुवा पेस्तोलसहित एक युवकलाई पक्राउ गरेको छ। सुदूरपश्चिम प्रदेश प्रहरी कार्यालयबाट खटेको आरटीआई टोलीले कैलालीको धनगढी उपमहानगरपालिका–१३ राजपुरका २१ वर्षीय वीरेन्द्र रानालाई पक्राउ गरेको हो।

जिल्ला प्रहरी कार्यालयका अनुसार गोदावरी नगरपालिका–५ गेटास्थित बिस्कुट फ्याक्ट्री नजिक राती शङ्कास्पद् अवस्थामा हिँडिरहेका रानालाई चेकजाँच गर्दा उनको साथमा कटुवा पेस्तोल फेला परेको थियो। जिल्ला प्रहरी कार्यालयका प्रवक्ता, प्रहरी नायब उपरीक्षक कवीन्द्रसिंह बोहराले जानकारी दिए अनुसार, पक्राउ परेका रानालाई इलाका प्रहरी कार्यालय मालाखेती अत्तरियामा राखिएको छ।