ई-घोडाघोडी खबर

१४ जेष्ठ २०८१

  • अछामबाट एक गर्भवतीको उद्धार

    अछामबाट एक गर्भवतीको उद्धार

    Share

    अछामबाट एक गर्भवतीको उद्धार गरिएको छ। जिल्लाको ढकारी गाउँपालिका वडा नम्बर ७ की २५ वर्षीय मगलि थापाको हेलिकोप्टरमार्फत उद्धार गरिएको हो।

    उनको ३६ हप्ताको गर्भ रहेको छ। उनको रक्तचाप बढेको छ। शरीरमा सेतो रगतकोसमेत कमी छ। थापालाई ज्वरो आइरहेको र पेटमा रहेको बच्चाको मुटुको धड्कन बढेकोले हेलिकोप्टरमार्फत उद्धार गरिएको हो।

    जिल्ला अस्पताल अछाममा उपचार सम्भव नभएकोले आइसियु र प्रसूति दुबै सेवा भएको अस्पतालमा लैजान भन्दै जिल्ला अस्पताल अछामले रेफर गरेको थियो। उनलाई महिला बालबालिका तथा राष्ट्रपति महिला उद्धार कार्यक्रम अन्तर्गत नेपाली सेनाको हेलिकोप्टर मार्फत प्रादेशिक अस्पताल सुर्खेत लगिएको प्रमुख जिल्ला अधिकारी शरद कुमार पोखरेलले बताए।

    अछाम जिल्ला स्थित गोरख बक्स गणको हेलिप्याडबाट थापालाई उद्धार गरिएको हो।

    ई-घोडाघोडी खबर

    सुचना तथा संचार मन्त्रालय,
    दर्ता नं. : 071/72/770,
    पान नं.: 602780247

    घोडाघोडी खबर टिम

    प्रवन्धक : स्वरूप चौधरी

    सम्पादक : इन्दु के. सी.

    बजार व्यवस्थापक : कालु राम चौधरी

    प्राविधिक प्रमुख/सह-सम्पादक : टेकु क्षेत्री