ई-घोडाघोडी खबर

४ श्रावण २०८१

  • मृतकका परिवारसँग राजदूत गोडरको भेट

    मृतकका परिवारसँग राजदूत गोडरको भेट

    Share

     नेपालका लागि इजरायली राजदूत हेनान गोडरले हमासको आक्रमणमा परी मृत्यु भएका विद्यार्थीको परिवारसँग भेट गर्नुभएको छ । घोडाघोडी नगरपालिका–४, जनकपुरस्थित मृतक नारायणप्रसाद न्यौपानेको घरमै पुगेर राजदूत गोडरले परिवारप्रति समवेदना प्रकट गर्नुभएको छ ।

    मृतकका परिवारलाई इजरायली सरकारले मासिक रूपमा सहयोग गर्ने प्रतिबद्धतासमेत जनाउनुभयो । भविष्यको सहारा, होनहार सन्तान गुमाएका परिवारले राजदूतको आश्वासनले केही सान्त्वना मिलेको बताएका छन् ।

    राजदूत गोडरसँगै सुदूरपश्चिम प्रदेश सरकारका मुख्यमन्त्री कमलबहादुर शाह, घोडाघोडी नगरपालिकाका प्रमुख खडकबहादुर रावतलगायत जनप्रतिनिधि मृतक न्यौपानेको घर पुग्नुभएको थियो ।

    सिक्दै कमाउँदै कायक्रम अन्तर्गत इजरायल पुगेका नेपाली विद्यार्थीमध्ये १० जना हमासको आक्रमणमा परेर ज्यान गुमाएका थिए । गत असोज २० गते भएको उक्त दुःखद घटनामा परी मृत्यु भएकाको शव नेपाल ल्याउनसमेत दूतावासको महत्वपूर्ण सहयोग रहेको थियो ।

    नेपाल सरकारले मृतकका परिवारलाई प्रतिव्यक्ति १० लाख रुपियाँ र सुदूरपश्चिम प्रदेश सरकारले दुई लाखका दरले राहत दिने घोषणा गरेको थियो । सो राहत रकम मङ्गलबार टीकापुरमा आयोजित कार्यक्रममा पीडित परिवारलाई हस्तान्तरण गरिएको हो ।

     

    ई-घोडाघोडी खबर

    सुचना तथा संचार मन्त्रालय,
    दर्ता नं. : 071/72/770,
    पान नं.: 602780247

    घोडाघोडी खबर टिम

    प्रवन्धक : स्वरूप चौधरी

    सम्पादक : इन्दु के. सी.

    बजार व्यवस्थापक : कालु राम चौधरी

    प्राविधिक प्रमुख/सह-सम्पादक : टेकु क्षेत्री