बैतडीमा सवारी दुर्घटना, वडाअध्यक्ष र सचिव घाइते

 बैतडीमा सवारी दुर्घटनामा भएको छ। जिल्लाको दशरथचन्द राजमार्गमा मोटरसाइकललाई विपरित दिशाबाट आइरहेको जिपले ठक्कर दिँदा दुर्घटनामा भएको हो।

दुर्घटनामा परी पाटन नगरपालिका–८ का वडा अध्यक्ष हरिश बिष्ट र वडा नं ९ का वडा सचिव रामदत्त जोशी घाइते भएका छन्। सोमवार ४ बजेको समयमा पाटनबाट खोडपेतर्फ आउने क्रममा वडा अध्यक्ष र सचिव सवार से १ ब १२९ नम्बरको मोटरसाइकललाई विपरित दिशाबाट गइरहेको सुपप्र ०१ ००१ च २६६९ नम्बरको जिपले दशरथचन्द राजमार्गमा ठक्कर दिदा वडा अध्यक्ष बिष्ट र वडा सचिव जोशी घाइते भएका हुन्।

वडा अध्यक्ष बिष्टको खुट्टा, अनुहार र शरिरका अन्य भागमा गम्भिर चोट लागेको छ भने वडा सचिव जोशीका खुट्टामा चोट लागेको छ। घाइते दुबैजनालाई उपचारको लागि डडेल्धुरा अस्पताल लगिएको इलाका प्रहरी कार्यालय पाटनले जनाएको छ। जिप र जिप चालकलाई नियन्त्रणमा लिइ अनुसन्धान भइरहेको प्रहरीले जनाएको छ।