२९ पुष २०८१, सोमबार
२९ पुष २०८१, सोमबार
एक कार्यक्रमका बीच सुदूरपश्चिम प्रदेशका भौतिक पूर्वाधार विकास मन्त्री प्रकाशबहादुर देउवाले महोत्सवको उद्घाटन गरेका हुन् । महोत्सव उद्घाटन गर्दै मन्त्री देउवाले थारु जातीको परम्परा संस्कृति खानपान, भेसभुसा, सिप कला, प्रकृति सम्पदाको संरक्षण गर्न महोत्सवले भूमिका खेल्ने बताए । स्वरोजगारमा समेत महत्त्वपूर्ण योगदान पुर्याउने उनले बताए ।
उनले थारु होमस्टे भादा आन्तरिक र बाह्य पर्यटकलाई ल्याउन जोड दिनु पर्ने बताए ।मन्त्री देउवाले उनीहरूलाई भादामा बसाउने गरी व्यवस्था गर्न सके यस क्षेत्रको विकास, रोजगारी र आय आर्जनमा निकै महत्त्वपूर्ण फाइदा पुग्ने बताए ।
त्यसको लागि प्रदेश सरकारले आवश्यक सहयोग गर्न समेत मन्त्री देउवाले आश्वासन दिए ।
कार्यक्रममा भूमि व्यवस्था कृषि तथा सहकारी मन्त्री रामेश्वर चौधरीले महोत्सवले थारु समुदायको मौलिक सांस्कृतिक पक्षलाई उजार गर्न ठूलो भूमिका खेल्ने बताए । उनले प्रसिद्ध मन्दिर बेहडाबाबामा दर्शन गर्न आउने र तालमा घुम्न आउने पर्यटकलाई मध्यनजर गर्दै भादाको विकासका लागि हातेमालो गरेर अघि बढ्ने समेत बताए ।
लक्ष्मीनारायण चौधरी अध्यक्षतामा भएको कार्यक्रममा भौतिक मन्त्री देउवा, कृषि मन्त्री चौधरी सहित , उप सभामुख कोइलीदेवी चौधरी, धनगढी उपमहानगरपालिकाकी उपप्रमुख कन्दकला राना लगायतले महोत्सवले थारु संस्कृति र सम्पदाको संरक्षण गर्न भूमिका खेल्ने बताएका थिए ।
२०६८ सालदेखि निरन्तर आयोजना हुँदै आएको थारु होमस्टे गाउँ भादा महोत्सवको यो ११ औ संस्करणको हो ।
सुचना तथा संचार मन्त्रालय
दर्ता नं. : 071/72/770
पान नं.: 602780247
घोडाघोडी खबर टिम
प्रवन्धक : स्वरूप चौधरी
सम्पादक : इन्दु के. सी.
बजार व्यवस्थापक : श्रेयस चौधरी
प्राविधिक प्रमुख/सह-सम्पादक : टेकु क्षेत्री
कार्यक्रम प्रस्तोता/रिपोर्टर : अन्जान चौधरी