ई-घोडाघोडी खबर

६ जेष्ठ २०८१

  • बसपार्क निर्माणको प्रक्रिया सुरु

    बसपार्क निर्माणको प्रक्रिया सुरु

    Share

    धनगढी, जेठ १२ गते । कैलालीको धनगढी उपमहानगरपालिका–३, कालिका नगरमा प्रस्तावित बसपार्क निर्माणका लागि आवश्यक प्रक्रिया सुरु भएको छ । उपमहानगरपालिकाको समन्वयमा नगर विकास कोषले बसपार्क निर्माणको प्रक्रिया अगाडि बढाएको हो । 

    सो स्थानमा बसपार्क निर्माणका लागि स्थलगत सर्भेसमेत गरिएको छ । बसपार्कको विस्तृत आयोजना प्रतिवेदन (डिपिआर) निर्माणका लागि सर्भेको काम भएको वडा नम्बर ३ का वडाध्यक्ष राजबहादुर ऐरले बताउनुभयो । 

    “बगरका रूपमा रहेको ऐलानी जग्गामा बसपार्क निर्माणको प्रस्ताव गरिएको हो,” उहाँले भन्नुभयो, “प्रस्तावित बसपार्क निर्माणको प्रक्रिया अगाडि बढेको छ ।” अध्यक्ष ऐरका अनुसार १६ हेक्टर क्षेत्रफलमा सुविधासम्पन्न बसपार्क निर्माणको प्रस्ताव गरिएको छ । सो जग्गाको भोगाधिकार प्राप्तिका लागि कानुनी प्रव्रिmया अगाडि बढाइएको छ । राष्ट्रिय वन क्षेत्रको नाङ्गो जग्गा रहेका कारण त्यसको भोगाधिकार आवश्यक परेको जनाइएको छ । 

    सोही स्थानमा वडा प्रहरी कार्यालय निर्माणको प्रस्ताव पनि गरिएको छ । अर्कोतिर खेलमैदानका लागि पनि जग्गा छुट्याइएको छ । खेल 

    मैदान घेराबारका लागि प्रतिनिधि सभा सदस्य डिल्लीराज पन्तले १० लाख रुपियाँ बराबरको कार्यक्रम  प्रस्ताव गर्नुभएको छ ।   

    ई-घोडाघोडी खबर

    सुचना तथा संचार मन्त्रालय,
    दर्ता नं. : 071/72/770,
    पान नं.: 602780247

    घोडाघोडी खबर टिम

    प्रवन्धक : स्वरूप चौधरी

    सम्पादक : इन्दु के. सी.

    बजार व्यवस्थापक : कालु राम चौधरी

    प्राविधिक प्रमुख/सह-सम्पादक : टेकु क्षेत्री