जथाभावी रङमा कारबाही, शिक्षकको तलब जुटाउन होली

धनगढी, फागुन २९ गते । रङको पर्व होलीमा कसैको इच्छाविपरीत जथाभाबी रङ लगाउने कार्य गरेमा कानुनी कारबाही गरिने जिल्ला प्रशासन कार्यालय कैलालीले जनाएको छ । प्रशासनले बुधबार सार्वजनिक सूचना जारी गरी मर्यादित तरिकाले होलीपर्व मनाउन जिल्लावासीलाई अपिल गरेको छ । तराईमा चैत १ गते होली मनाइने भए पनि त्यसको रमझम सुरु भइसकेको छ । होली मनाउने नाममा अवाञ्छित गतिविधि नगर्न प्रशासनले अपिल गरेको छ । त्यस्तो गरेको पाइए प्रचलित कानुन अनुसार कारबाही गरिने सहायक प्रमुख जिल्ला अधिकारी किरण जोशीद्वारा जारी सूचनामा उल्लेख छ । कोही कसैको इच्छाविपरीत हानिकारक वस्तु दल्ने कार्य नगर्न पनि प्रशासनले आग्रह गरेको छ । नयाँ पुस्ताले गाए पुरानो होली गीत   बैतडी समाचारदाताका अनुसार ‘कति राम्रो होरी फागुनमा खेल्दै आयौँ आँगनमा !’ यहाँका नयाँ पुस्ताले लोप हुन लागेको पुरानो होरीका गीत गाएर होली खेलेका छन् । मिजुरा, ढोलक, मादल र खैँजडी बजाएर स्थानीयले होली खेलेका हुन् । बैतडी सदरमुकाममा रोयल हिल युथ क्लब, जगन्नाथ बहुमुखी क्याम्पस, पाटन नगरपालिकामा सिद्धेश्वर मावि हुक्केडाँडा, सरस्वती मावि सल्लेवासा, सिगास गाउँपालिकाको पञ्चोदय माविलगायत दोगडाकेदार गाउँपालिका,... विस्तृतमा