ई-घोडाघोडी खबर

४ श्रावण २०८१

  • चाडपर्व मनाउन स्वदेश फर्किंदै

    चाडपर्व मनाउन स्वदेश फर्किंदै

    Share

    रोजगारीको सिलसिलामा भारत पसेका नेपाली दसैँतिहार मनाउन धमाधम स्वदेश फर्किन थालेका छन् । लामो समयदेखि भारतमा बस्दै आएकादेखि बर्खे खेती लगाएर भारत गएकाहरू फर्किरहेका छन् ।

    प्रदेशका विभिन्न नाकामा बिहान सबेरैदेखि भिड लाग्ने गरेको छ । बर्खे खेतीपातीको काम सकेर धेरै नेपाली भारतको सिमला, हिमाचल प्रदेशलगायत विभिन्न स्थानमा काम गर्न जाने गरेका छन् ।

    अहिले धान काट्ने बेला भएकाले पनि मौसमी कामदारका रूपमा गएकाहरू घर फर्कने क्रम बढ्दो छ । भारतको सिमलामा करिब अढाई महिना काम गरेर नेपाल फर्किएका कैलारी गाउँपालिका–७ का खेमराज चौधरी उताको काम सकियो, अब यता काम गर्नु प¥यो भन्नुहुन्छ ।

    चाडपर्व पनि मनाउने र धान पाकेकाले काट्न आएको भनाइ उहाँको छ । खेतीपातीको काम सकेर मौसमी कामदारका रूपमा कमाउनका लागि गएकाले चाडपर्व र गहुँ खेतीका लागि खर्च जोहो गरेर फर्कने गरेका जनाइएको छ ।

    चाडपर्व नजिकिएपछि दैनिक एक हजारभन्दा बढी नेपाली विभिन्न नाका हुँदै स्वदेश फर्किरहेको प्रदेश सरकारले जनाएको छ । शुक्रबार गौरीफन्टा नाका भएर ७६२, गड्डाचौकी नाका भएर १७६ र बैतडीको झुलाघाट नाका भएर ४१ जना नेपाली कामदार स्वदेश फर्किएका छन् ।

    यसै गरी कैलालीको खक्रौला नाका, चन्दन चौकी नाकालगायत अन्य नाकाबाट पनि कामदार फर्किरहेका छन् । अन्य नाकाबाट फर्कने कामदारको विवरण राख्ने गरिएको छैन । चाडपर्वका बेला नेपाल फर्किनेहरू भारतसहित सीमा क्षेत्रमा लुटिने पनि गरेका छन् ।

    त्यस्तो अवस्था आउन नदिन सीमा नाकामा सुरक्षा व्यवस्था प्रभावकारी बनाउनका साथै सीमा तैनाथ भारतीय सीमा सुरक्षा बलसँग पनि छलफल गरिएको प्रदेश प्रहरी कार्यालय कैलालीले जनाएको छ । भारतीय सुरक्षाकर्मीले ३५ हजार भारु नगद बोकेर आएकालाई दुःख दिने गरेको बताइएको छ ।

    ई-घोडाघोडी खबर

    सुचना तथा संचार मन्त्रालय,
    दर्ता नं. : 071/72/770,
    पान नं.: 602780247

    घोडाघोडी खबर टिम

    प्रवन्धक : स्वरूप चौधरी

    सम्पादक : इन्दु के. सी.

    बजार व्यवस्थापक : कालु राम चौधरी

    प्राविधिक प्रमुख/सह-सम्पादक : टेकु क्षेत्री