ई-घोडाघोडी खबर

६ जेष्ठ २०८१

  • मनाङ एयरको हेलिकोप्टर दुर्घटनामा पाँच जनाको मृत्यु

    मनाङ एयरको हेलिकोप्टर दुर्घटनामा पाँच जनाको मृत्यु

    Share

    सोलुखुम्बुको लिखुपिके गाउँपालिकामा भएको मनाङ एयरको हेलिकोप्टर दुर्घटनामा पाँच जनाको मृत्यु भएको छ । सोलुखुम्बुका प्रमुख जिल्ला अधिकारी बसन्त भट्टराईले दुर्घटनास्थलमा पाँच जनाको शव फेला परेको जानकारी दिनुभयो । साथै हेलिकोप्टर दुर्घटनास्थलमा वेनी प्रहरी चौकीका प्रहरी सहायक निरीक्षक निराजन बस्नेत नेतृत्वको टोली पुगेको छ ।

    प्रजिअ भट्टराईका अनुसार दुर्घटनास्थलमा पाँच जनाको शव फेला परेको र एक जनाको खोजी भइरहेको छ । साथै मृतकको पहिचान खुलिसकेको छैन भने थप विवरण आउन बाँकी रहेको उहाँको भनाइ छ ।

    गाउँपालिका अध्यक्ष मीना कार्की बस्नेतले लिखु पिके गाउँपालिका–५ भकान्जेस्थित लामजुराको च्यानडाँडामा दुर्घटनाग्रस्त अवस्थामा हेलिकोप्टर भेटिएको जानकारी दिनुभएको थियो ।

    होलिकोप्टरमा सवार चालक दलका सदस्यबाहेक पाँच जना म्याक्सिकन नागरिक भएको पुष्टि भएको छ । क्याप्टेन चेत गुरूङले उडाउनुभएको हेलिकोप्टरमा सीफुन्ट जी फर्नाडो, रिनकोन स्मार,सीफुन्ट मारिया, गुन्जालेज ओलाक्लो र जोन्जालेक्स एब्रिक हुनुहुन्थ्यो ।

    सोलुखुम्बुको सुर्केबाट ६ यात्रु बोकेर सोमबार बिहान काठमाडौंका लागि उडेको मनाङ एयरको एनए–एमभी कलसाइन भएको हेलिकोप्टर १० बजेर १ मिनेटमा सम्पर्कविहीन भएको थियो ।

    ई-घोडाघोडी खबर

    सुचना तथा संचार मन्त्रालय,
    दर्ता नं. : 071/72/770,
    पान नं.: 602780247

    घोडाघोडी खबर टिम

    प्रवन्धक : स्वरूप चौधरी

    सम्पादक : इन्दु के. सी.

    बजार व्यवस्थापक : कालु राम चौधरी

    प्राविधिक प्रमुख/सह-सम्पादक : टेकु क्षेत्री