ई-घोडाघोडी खबर

७ जेष्ठ २०८१

  • भूकम्प प्रभावितका लागि चौध करोड बजेट

    भूकम्प प्रभावितका लागि चौध करोड बजेट

    Share

     बाजुराका भूकम्प प्रभावितको आवास निर्माणका लागि सरकारले १४ करोड रुपियाँ बजेट विनियोजन गरेको छ । जिल्ला प्रहरी कार्यालयको तथ्याङ्क अनुसार खप्तड छेडेदह गाउँपालिकामा १४ घर, गौमूल गाउँपालिकामा ४२७ घर र हिमाली गाउँपालिकाका २६७ घरमा क्षति पुगेको छ ।

    त्यस्तै स्वामिकार्तिक गाउँपालिकामा १४ घर, जगन्नाथ गाउँपालिकामा ३१ घर, बडीमालिका नगरपालिकामा ६६६ घर र बुढीगङ्गा नगरपालिकाका छ घरमा क्षति पुगेको पाइएको छ । भूकम्पका कारण गौमूल गाउँपालिका–२ का जमुना रोकायाको मृत्यु र एक जना घाइते भएका थिए ।

    हिमालीमा दुई जना र बडीमालिका नगरपालिकामा एक जना घाइते भएको प्रहरी कार्यालयले जनाएको छ ।  प्रमुख जिल्ला अधिकारी तथा जिल्ला विपत् व्यवस्थापन समितिका संयोजक भीमकान्त पौडेलले नेपाल सरकारबाट भूकम्प प्रभावितको आवास निर्माण तथा क्षतिपूर्तिका लागि उक्त बजेट विनियोजन गरिएको बताउनुभयो ।

    उक्त रकम जिल्ला प्रशासन कार्यालयमा आइसकेको जानकारी उहाँले दिनुभयो । जिल्ला विपत् व्यवस्थापन समितिका पदाधिकारीसमेत रहेका स्थानीय तहका जनप्रतिनिधिसहितको बैठक बसेर सो रकम पालिकामा पठाई पुनर्निर्माणको काम तत्काल सुरु हुने भएको छ ।

    उहाँका अनुसार रकम पालिकाको क्षतिको विवरण (पूर्ण, आंशिक, सामान्य) हेरेर वितरण गरिने छ । भूकम्प प्रभावितहरू त्रिपालमा बास्दै आएका छन् । भूकम्पपीडितलाई सहयोग

    बाजुरा समाचारदाताका अनुसार बाजुराकी सामाजिक अभियन्ता रिता शाहीले जाजरकोटका भूकम्पपीडितलाई राहत वितरण गर्नुभएको छ । कात्तिक १७ गते राति ११ बजे आएको भूकम्पबाट प्रभावित जाजरकोट र रुकुमका स्थानीयलाई राहत वितरण गरेको शाहीले बताउनुभयो । उहाँले जाजरकोट र रुकुममा भूकम्पपीडितको गाँस, बास र कपासको समस्या भएकोले खाद्यान्न, त्रिपाल, सिरक, डसना, खाद्यान्न, खानेकुरा, न्यानो लुगा, ‘टिफम’ र कम्बल वितरण गरेको बताउनुभयो ।

    जाजरकोटको नलगाड नगरपालिका–१ देखि ८ नम्बर वडाका छ सय र जाजरकोट आठबिस नगरपालिकाका ७० भन्दा बढी घरपरिवारलाई  छ लाख बराबरको  राहत वितरण गरेको अभियन्ता शाहीले बताउनुभयो ।

    त्यस्तै मृतकका आफन्त, गर्भवती र सुत्केरी महिलालाई नगद एक लाख रुपियाँसमेत हस्तान्तरण गरिएको सामाजिक अभियन्ता शाहीले बताउनुभयो । समाजसेवी शाहीले महिला तथा बालबालिकालाई स्वास्थ्य सामग्री सहयोग गर्नुभएको छ ।

    ई-घोडाघोडी खबर

    सुचना तथा संचार मन्त्रालय,
    दर्ता नं. : 071/72/770,
    पान नं.: 602780247

    घोडाघोडी खबर टिम

    प्रवन्धक : स्वरूप चौधरी

    सम्पादक : इन्दु के. सी.

    बजार व्यवस्थापक : कालु राम चौधरी

    प्राविधिक प्रमुख/सह-सम्पादक : टेकु क्षेत्री