घोडाघोडी नगर स्तरीय भल्मन्सा कार्यसमितिको अध्यक्षमा बुधराम र सचिवमा अमन चौधरी निर्वाचित

कैलाली । घोडाघोडी नगर स्तरीय भल्मन्सा कार्यसमितिको निर्वाचनमा पनि राजनीतिक प्यानल निर्माण गरेर निर्वाचन भएको छ । अध्यक्ष र सचिवमा एउटा टिमबाट बुधराम चौधरी र अमन चौधरी खडा भए भने अर्को प्यानलबाट फागुराम चौधरी  र वीरबहादुर चौधरी खडा भए ।

बुधराम र अमल कांग्रेस निकट हुन् भने फागुराम र वीर बहादुर माओवादी केन्द्र निकट हुन् । दुबै पदमा कांग्रेस निकट उम्मेदवार विजयी भएका छन् ।

अध्यक्षमा फागुराम चौधरीलाई २५ मत अन्तरले पराजित गर्दै बुधराम निर्वाचित भए । बुधराम चौधरीले ४९ मत प्राप्त गर्दा फागुराम चौधरीले २४ मत प्राप्त गरेका थिए । बुधराम यस अघिका नगर भल्मन्सा समितिका अध्यक्ष समेत हुन। ।

यस्तै सचिवमा वीरबहादुर चौधरीलाई पराजित गर्दै अमन चौधरी निर्वाचित भएका छन्। अमनले ४० मत ल्याए भने वीर बहादुरले २९ मत पाए। अमन वडा नम्बर १ का वडा सदस्य हुन।  ७५ मत खस्दा २ मत बदर  भए।

अध्यक्ष र सचिवमा मात्रै निर्वाचन हुँदा उपाध्यक्ष, सहसचिव कोषाध्यक्ष सहित सदस्य पदहरूमा सर्वसम्मत चयन भएका थिए । उपाध्यक्षमा दाशीराम चौधरी,सह सचिवमा रिम चौधरी र कोषाध्यक्षमा सितावी चौधरी सर्वसम्मत भएका थिए ।

सदस्यहरूमा हिरालला चौधरी, ताल बहादुर चौधरी, पहालु चौधरी, मल्लराज चौधरी, नमिता चौधरी, डल्लु डगौरा,श्रीकृष्ण चौधरी, सरोज चौधरी, तेजराम चौधरी, दुर्गा देखी चौधरी, दुतिराम चौधरी र इन्द्रा कठरिया सर्वसम्मत भएका हुन् ।