ई-घोडाघोडी खबर

७ जेष्ठ २०८१

  • घोडाघोडीमा डल्लबमा मोटरसाइकल ठोक्किँदा दुई जनाको मृत्यु

    घोडाघोडीमा डल्लबमा मोटरसाइकल ठोक्किँदा दुई जनाको मृत्यु

    Share

    कैलालीमा राँगा डल्लबमा मोटरसाइकल ठोक्किँदा मोटरसाइकल चालक र मोटरसाइकलमा सवार  दुबै युवाको मृत्यु भएको छ ।

    सोमबार राति घोडाघोडी नगरपालिका–१० सशस्त्र बेस क्याम्प नजिकै पूर्वपश्चिम राजमार्गमा पूर्वबाट पश्चिमतर्फ जादै गरेको मोटरसाइकल डल्लबमा ठोक्किँदा दुर्घटना भएको हो ।

    मोटरसाइकल चालक गौरीगंगा नगरपालिका–९ का २१ वर्षीय असीम राजवंशी र मोटरसाइकलमा पछाडि बसेका सोही ठाउँका २७ वर्षीय विजेन्द्र चौधरीको मृत्यु भएको प्रहरीले जनाएको छ ।

    राजबंशीले चलाएको से। ५ प ७५७८ नम्बरको मोटरसाइकल बिपरित दिशाबाट आउदै गरेको घोडाघोडी नगरपालिका–१० का ६० वर्षीय कलेसु चौधरीले चलाएको राँगा डल्लबमा ठोक्किएको थियो ।

    राजबंशीको उपचारको क्रममा घोडाघोडी अस्पताल सुख्खडमा तत्काल मृत्यु भएको थियो ।

    माया मेट्रो अस्पताल धनगढीमा उपचारको क्रममा राति नै चौधरीको पनि मृत्यु भएको प्रहरीले जनाएको छ ।

    घटना सम्बन्धमा प्रहरीले थप अनुसन्धान गरिरहेको बताइएको छ ।

    ई-घोडाघोडी खबर

    सुचना तथा संचार मन्त्रालय,
    दर्ता नं. : 071/72/770,
    पान नं.: 602780247

    घोडाघोडी खबर टिम

    प्रवन्धक : स्वरूप चौधरी

    सम्पादक : इन्दु के. सी.

    बजार व्यवस्थापक : कालु राम चौधरी

    प्राविधिक प्रमुख/सह-सम्पादक : टेकु क्षेत्री