घोडाघोडीमा डल्लबमा मोटरसाइकल ठोक्किँदा दुई जनाको मृत्यु

कैलालीमा राँगा डल्लबमा मोटरसाइकल ठोक्किँदा मोटरसाइकल चालक र मोटरसाइकलमा सवार  दुबै युवाको मृत्यु भएको छ ।

सोमबार राति घोडाघोडी नगरपालिका–१० सशस्त्र बेस क्याम्प नजिकै पूर्वपश्चिम राजमार्गमा पूर्वबाट पश्चिमतर्फ जादै गरेको मोटरसाइकल डल्लबमा ठोक्किँदा दुर्घटना भएको हो ।

मोटरसाइकल चालक गौरीगंगा नगरपालिका–९ का २१ वर्षीय असीम राजवंशी र मोटरसाइकलमा पछाडि बसेका सोही ठाउँका २७ वर्षीय विजेन्द्र चौधरीको मृत्यु भएको प्रहरीले जनाएको छ ।

राजबंशीले चलाएको से। ५ प ७५७८ नम्बरको मोटरसाइकल बिपरित दिशाबाट आउदै गरेको घोडाघोडी नगरपालिका–१० का ६० वर्षीय कलेसु चौधरीले चलाएको राँगा डल्लबमा ठोक्किएको थियो ।

राजबंशीको उपचारको क्रममा घोडाघोडी अस्पताल सुख्खडमा तत्काल मृत्यु भएको थियो ।

माया मेट्रो अस्पताल धनगढीमा उपचारको क्रममा राति नै चौधरीको पनि मृत्यु भएको प्रहरीले जनाएको छ ।

घटना सम्बन्धमा प्रहरीले थप अनुसन्धान गरिरहेको बताइएको छ ।