घोडाघोडीमा ट्याक्टरबाट खसेर एक युवकको मृत्यु

कैलालीमा ट्याक्टरबाट खसेर एक युवकको मृत्यु भएको छ। जिल्लाको घोडाघोडी नगरपालिका–६ झलझलीयाको सडकमा घोडाघोडी नगरपालिका–३ का २७ वर्षीय युवक अर्जुन चौधरी मंगलवार ट्याक्टरबाट खसेर गम्भिर घाईते भएका थिए।

घोडाघोडी अस्पताल सुखडमा उपचारको क्रममा उनको मृत्यु भएको प्रहरीले बताएको छ। ना ४ त ८७१५ नम्बरको ट्याक्टर र चालक २७ वर्षीय सुबाष चौधरीलाई इलाका प्रहरी कार्यालय सुखडले नियन्त्रणमा लिएर थप अनुसन्धान गरिरहेको जनाएको छ।