कैलाली र कञ्चनपुरबाट ९६ हजार बढीका सामान बरामद

सुदूरपश्चिमका दुई जिल्ला कैलाली र कञ्चनपुरबाट ९६ हजार बढीका सामान बरामद गरिएको छ।

कैलाली जिल्लाको धनगढी उपमहानगरपालिका–२ मिलनचोकबाट भन्सार छलि गरी ल्याएका अन्दाजी ५३ हजार मूल्य बराबरको लेडिज सुट, सारी, धोती, चिनी लगायतका सामान र धनगढी उपमहानगरपालिका–३ राष्ट्रिय वाणिज्य बैङ्क नजिकबाट अन्दाजी ७ हजार ५ सय मूल्य बराबरको बिडी आइतवार प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको हो।

यस्तै कञ्चनपुरको भिमदत्त नगरपालिका–१० बिद्युत कार्यालय अगाडीबाट भन्सार छलिगरी ल्याएका अन्दाजी ३५ हजार ९ सय १० मूल्य बराबरको चिनी, पेय पदार्थ (डिउ), बिष्कुट, नमकिन लगायतका सामानहरु आइतबार प्रहरीले बेवारिसे अवस्थामा फेला पारी बरामद गरेको हो। उक्त सामान आवश्यक कारबाहीको लागि भन्सार कार्यालय पठाइएको प्रहरीले बताएको छ।