ई-घोडाघोडी खबर

७ जेष्ठ २०८१

  • हात्तीबाट धानबाली जोगाउन खेतमै जाग्राम

    हात्तीबाट धानबाली जोगाउन खेतमै जाग्राम

    Share

    को कैलारी गाउँपालिका –७ भुइयाँफाँटामा जङ्गली हात्तीले धानबालीमा क्षति गर्न थालेपछि किसान खेतमै जाग्राम बस्न थालेका छन् ।

    हात्तीबाट धानबाली जोगाउन उनीहरु रातभर खेतमै जाग्राम बस्न थालेका हुन् । आइतबार राति खेतमा आएको हात्तीको ठूलो झुन्डले मोहना नदी पारी रहेको कगलहरमा धानबाली नष्ट गरेको किसानले जनाएका छन् ।

    दुधुवा नेशनल पार्कबाट ठूलो सङ्ख्यामा आएको हात्तीको झुन्डले कयौं किसानको धानबालीमा नोक्सान गरेको स्थानीय कृषक फुलराज चौधरीले जानकारी दिनुभयो । करिब दुई बिघासम्म धानखेतीमा हात्तीले क्षति गरेको उहाँको भनाइ छ । हात्तीले धानबाली खानुका साथै कुल्चेर क्षति गरेको किसानले बताएका छन् ।

    जङ्गली हात्तीको झुन्ड खेतमा पसेपछि गाउँभरिका किसान रातभर होहल्ला गर्दै हात्ती धपाउने काम गरेको कृषक चौधरीले जानकारी दिनुभयो । सो क्षेत्रमा दुधुवा नेशनलपार्कबाट बसन्ता करीडोरमा जङ्गली हात्तीको ओहोरदोहोर हुनेगर्छ ।

    ओहोरदोहोरको क्रममा हात्तीले बर्सेनी कृषि बालीमा नोक्सान गर्दैआएको किसानले जनाएका छन् । धानबालीलाई हात्तीले नोक्सान गर्न थालेपछि गाउँलेहरु चिन्तित् भएका छन् । धान पाकेर बाली नभित्र्याउँदासम्म अब ढुक्कसँग बस्न नपाइने किसानको भनाइ छ । सो क्षेत्रका जनताले धान र गहुँबाली दुवै सिजनमा जङ्गली हात्तीको आतङ्क झेल्दैआएका छन् ।

    ई-घोडाघोडी खबर

    सुचना तथा संचार मन्त्रालय,
    दर्ता नं. : 071/72/770,
    पान नं.: 602780247

    घोडाघोडी खबर टिम

    प्रवन्धक : स्वरूप चौधरी

    सम्पादक : इन्दु के. सी.

    बजार व्यवस्थापक : कालु राम चौधरी

    प्राविधिक प्रमुख/सह-सम्पादक : टेकु क्षेत्री