मोटरसाइकल दुर्घटना हुँदा एकजनाको मृत्यु

भावाना जोशी

अत्तरिया, पुस, ८ गते । कैलाली जिल्लाको धनगढी उपमहानगरमा मोटरसाइकल दुर्घटना हुँदा एक जनाको मृत्यु भएको छ । धनगढी उपमहानगरपालिका–१८ इ गाउँमा शनिबार राति मोटरसाइकल दुर्घटना हुँदा धनगढी उपमहानगरपालिका वडा नम्बर १२ जुगेडाका २८ वर्षीय पप्पुबहादुर कामीको मृत्यु भएको जिल्ला प्रहरी कार्यालय कैलालीका प्रवक्ता कुलदिप चन्दले बताउनु भयो ।

प्रवक्ता चन्दले चालक स्वयंले चलाएको से ५ प ४७७५ नम्बरको मोटरसाइकल शनिबार राति अनियन्त्रित भएर दुर्घटना भएको बताउनु भयो । दुर्घटनामा घाइते कामीलाई सेती प्रादेशिक अस्पतालमा भर्ना गरिएको थियो । टाउकोमा गम्भीर चोट लागेका कामीको उपचारकै क्रममा मृत्यु भएको प्रवक्ता चन्दले बताउनु भयो । दुर्घटनाको विषयमा थप अनुसन्धान जारी रहेको समेत चन्दले बताउनु भयो ।