आयोजक द रोयल यूवा क्लबको विजयी सुरुवात

असोज १८ ,सुखड,कैलाली

प्रथम खुला वडा स्तरिय फुटबल प्रतियोगितामा आयोजकले विजयी सुरुवात गरेको छ । ‘हाम्रो गोल लागु औषध बिरुद्धको गोल ’ भन्ने नाराका साथ सोमबार देखि सुरु गरिएको प्रथम खुला वडा स्तरिय फुटबल प्रतियोगिता २०८० को पहिलो संस्करणको चौठो दिन आजको खेलमा जोशीपुरलाई (१) – (३) गोलले पछि पार्दै आयोजक द रोयल यूवा क्लब निम्दीले विजयी सुरुवात गरेको हो । यस्तै आज भएको खेलमा बिजुलिया vs डोडा बिचको ०(५) – ०(४) , अम्मारी (२) – (१) जुरपानी, B.S.F.A.लम्की (४) – (०) बर्दगोरिया बिच भएको थियो ।

कैलालीको घोडाघोडी नगरपालिका वडा नम्बर ३ निम्दीमा   आयोजना गरिएको प्रतियोगितामा ३४ टिमबिचमा प्रतिष्पर्धा भैरहेको छ ।आज  भएको खेलमा चर्चित फुटबलर लगायतको उपस्थिति रहेको थियो ।असोज १९ गते (भोली) हुने खेलहरुमा जनकपुर vs कोटा, लोहरपुर vs भजनी (b), धुसर vs जगन्नाथ सुखड बिच हुने भएको छ ।

प्रतियोगितामा प्रथम स्थान प्राप्त गर्ने टिमले नगद रु ३० हजार, दोश्रो स्थान प्राप्त गर्ने टिमले नगद रु १५ हजार, प्रमाण पत्र मेडल, गोलकर्तालाई रु ५ हजार र खेलको बिद्या अनुसर उत्कृष्ट खेलाडीलाई वेस्ट प्राइज प्रदान गरिने द रोयल यूवा क्लब निम्दीका खेल संयोजक दिपक बोहराले बताए ।