ई-घोडाघोडी खबर

६ जेष्ठ २०८१

  • कारागारबाट भारु नोट र मोबाइल बरामद

    कारागारबाट भारु नोट र मोबाइल बरामद

    Share

    कैलाली कारागारभित्र अवैध सामग्री भित्रिने गरेको गुनासो बढेपछि अनुमगन गरिएको छ । कारागार व्यवस्था विभाग, जिल्ला प्रहरी कार्यालय र जिल्ला कारागार प्रशासनको संयुक्त टोलीले अनुगमन गर्दा एक भारतीय कैदीको साथबाट एक लाख चार हजार भारु बरामद गरिएको छ । 

    यसै गरी १५ थान मोबाइल, ३३ वटा चार्जर, केही थान एयरफोन पनि बरामद गरिएको जिल्ला प्रहरी कार्यालयका प्रहरी निरीक्षक खगेन्द्र साउदले जानकारी दिनुभयो । लागुऔषधसमेत कारागार भित्रिने गरेको आशङ्कामा टोलीले अनुगमन गरेको हो । कैदीबन्दीलाई कारागारभित्र मोबाइल प्रयोग प्रतिबन्ध गरिएको छ तर कैलाली जिल्ला कारागारभित्र कतिपय कैदीले अवैध तरिकाले मोबाइल प्रयोग गर्दै आएका छन् । 

    बरामद पाँच सयको २०८ थान भारु कैदीको साथमा कसरी पुग्यो भन्ने विषयमा अनुसन्धान अगाडि बढाइएको साउदले जानकारी दिनुभयो । उहाँका अनुसार साथबाट पैसा बरामद भएका कैदी १०/१२ वर्षदेखि कारागारमा बस्दै आएका छन् । अनुगमन टोलीले कैदीका मोबाइल, चार्जर जफत गरेपछि प्रहरी र कैदीबिच धक्कामुक्की भएको थियो ।   

    ई-घोडाघोडी खबर

    सुचना तथा संचार मन्त्रालय,
    दर्ता नं. : 071/72/770,
    पान नं.: 602780247

    घोडाघोडी खबर टिम

    प्रवन्धक : स्वरूप चौधरी

    सम्पादक : इन्दु के. सी.

    बजार व्यवस्थापक : कालु राम चौधरी

    प्राविधिक प्रमुख/सह-सम्पादक : टेकु क्षेत्री