ई-घोडाघोडी खबर

१४ जेष्ठ २०८१

  • वडाबाटै सामाजिक सुरक्षा भत्ता

    वडाबाटै सामाजिक सुरक्षा भत्ता

    Share

    मालिकार्जुन गाउँपालिकाले बैङ्कसम्म पुगेर सामाजिक सुरक्षा भत्ता बुझ्न नसक्ने लाभग्राहीलाई वडामै पुगेर भत्ता दिन थालेको छ ।

    आइतबारदेखि वडामै गएर घुम्ती शिविरमार्फत सामाजिक सुरक्षा भत्ता वितरण सुरु गरिएको मालिकार्जुन गाउँपालिकाका सामाजिक सुरक्षा तथा पञ्जीकरण शाखा प्रमुख लोकेन्द्रसिंह धामीले जानकारी दिनुभयो ।

    स्थानीय नागरिकले पालिकास्थित माछापुच्छे« बैङ्कसम्म पुगेर भत्ता लिन समस्या भएको गुनासो गरेपछि पालिकाले वडाबाटै सामाजिक सुरक्षा भत्ता वितरण गर्न थालेको गाउँपालिकाका अध्यक्ष हिरासिंह धामीले बताउनुभयो ।

    यसअघि पालिका केन्द्रमा रहेको माछापुच्छे« बैङ्कमार्फत वितरण हुँदै आएको सामाजिक सुरक्षा भत्ता चालु आवबाट वडाबाट वितरण गरिन लागेको हो । मालिकार्जुन गाउँपालिका–२ का ८० वर्षीय धनसिंह धामी सामाजिक सुरक्षा भत्ता बुझ्न एक दिन हिँडेर पालिका पुग्दा निकै थकित हुने गरेको बताउनुहुन्छ । यस पटक वडामै पाउँदा सुख भएको भनाइ उहाँको छ । त्रैमासिक भत्ता बुझ्दै आएका धनसिंहले भन्नुभयो, “अब सधैँ वडाबाटै सामाजिक सुरक्षा भत्ता वितरण गर्नुहोला ।”

    ई-घोडाघोडी खबर

    सुचना तथा संचार मन्त्रालय,
    दर्ता नं. : 071/72/770,
    पान नं.: 602780247

    घोडाघोडी खबर टिम

    प्रवन्धक : स्वरूप चौधरी

    सम्पादक : इन्दु के. सी.

    बजार व्यवस्थापक : कालु राम चौधरी

    प्राविधिक प्रमुख/सह-सम्पादक : टेकु क्षेत्री