ई-घोडाघोडी खबर

७ जेष्ठ २०८१

  • पुल निर्माणको काम अलपत्र

    पुल निर्माणको काम अलपत्र

    Share

    अविनाश चौधरी

    धनगढी, वैशाख ११ गते । कैलालीको ६ लेन सडकमा पुल निर्माणको काम अलपत्र परेको छ । गोदावरी नगरपालिका–५ स्थित मनहरा र सुनी खोलामा पुल निर्माणको काम अलपत्र परेको हो ।

    निर्माण अवधि सकिएको पुलको समयावधि थप गर्दासमेत निर्माण कम्पनीले पुल नबनाएको पुल हेर्ने जिम्मा पाएको महाकाली पुल आयोजनाको कार्यालयले जानकारी दिएको छ ।

    सो कार्यालयका अनुसार मनहरा खोलामा बन्ने पुलको डिजाइन परिवर्तन गर्नुपर्ने कारणले काम अगाडि बढ्न सकेको छैन । मनहरामा साढे नौ करोड रुपियाँमा उच्चकोटी–समीदेव–राजेन्द्र जेभीले पुल निर्माणको ठेक्का पाएका थिए । दुई वर्षभित्र निर्माण कार्य सम्पन्न गरिसक्नू पर्ने पुलको अझै केही काम हुन सकेको छैन ।

    गएको कात्तिकमा पुल निर्माणको म्याद सकिएको छ । अब नयाँ डिजाइन आएपछि मात्र पुल निर्माणको काम अगाडि बढ्ने आयोजनाका इन्जिनियर सन्तोष चन्दले जानकारी दिनुभयो । आयोजनाको कार्यालयले पुलको डिजाइन संशोधनका लागि विभागमा फाइल पठाएको छ ।

    यसैगरी, सुनी खोलामा निर्माण भइरहेको पुललाई अधुरै छाडेर निर्माण कम्पनीले बाँकी काम पूरा गर्न चासो देखाएको छैन । ६५ प्रतिशत निर्माण कार्य पूरा भएको पुल अलपत्र बनेको छ । २०८० असार मसान्तभित्र सक्नेगरी आठ महिना म्याद थप गर्दासमेत निर्माण कम्पनीले काम नगरेको इन्जिनियर चन्दले बताउनुभयो ।

    सुनी खोलामा पुल निर्माणको ठेक्का धनगढीको राजेन्द्र निर्माण सेवाले पाएको छ । २०७७ मा ठेक्का सम्झौता भएको सो पुलको २०७९ कात्तिकमा म्याद सकिएको थियो । पुल निर्माण कार्य पूरा नहुँदै म्याद सकिएपछि आयोजनाको कार्यालयले २०८० असार मसान्तसम्म पुलको म्याद थप गरे पनि निर्माण कम्पनीले काम नगरेको इन्जिनियर चन्दको भनाइ छ । तीन करोड ७७ लाख रुपियाँमा सो पुल निर्माणको ठेक्का सम्झौता भएको थियो ।

    ई-घोडाघोडी खबर

    सुचना तथा संचार मन्त्रालय,
    दर्ता नं. : 071/72/770,
    पान नं.: 602780247

    घोडाघोडी खबर टिम

    प्रवन्धक : स्वरूप चौधरी

    सम्पादक : इन्दु के. सी.

    बजार व्यवस्थापक : कालु राम चौधरी

    प्राविधिक प्रमुख/सह-सम्पादक : टेकु क्षेत्री