धनगढीः कैलालीमा १ युवतीसहित ४ जना लागूऔषधसहित पक्राउ परेका छन्।

कैलालीको धनगढी उपमहानगरपालिका-३ त्रिनगर ब्यारेल नजिकबाट ४०० मिलिग्राम लागूऔषध (खैरो हेरोईन)सहित गोदावरी नगरपालिका-१ बस्ने २० वर्षीया अन्जली सुनार र सोही ठाउँबाट १ ग्राम खैरो हेरोईनसहित गौरीगंगा नगरपालिका-२ बस्ने २८ वर्षीय सन्जय साउंदलाई बुधवार साँझ प्रहरीले पक्राउ गरेको हो। जिल्ला प्रहरी कार्यालय कैलालीबाट खटिएको प्रहरी टोलीले दुबै जनाको साथबाट उक्त पदार्थ फेला पारी पक्राउ गरेको हो।

यस्तै धनगढी उपमहानगरपालिका-२ त्रिनगर ब्यारेलबाट ७५० मिलिग्राम खैरो हेरोईनसहित गोदावरी नगरपालिका-१२ ओलानी बस्ने २० वर्षीय सन्जय परियारलाई पनि बुधबार दिउँसो प्रहरीले पक्राउ गरेको छ। परियारलाई पनि जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको हो।

उता जानकी गाउँपालिका-१ दुर्गौली स्थित सडकखण्डबाट ४२० मिलिग्राम खैरो हेरोईनसहित सोही ठाउँ बस्ने २१ वर्षीय रेशम चौधरीलाई बुधवार साँझ प्रहरीले पक्राउ गरेको छ। चौधरीलाई ईलाका प्रहरी कार्यालय टीकापुरबाट खटिएको प्रहरी टोलीले पक्राउ गरेको हो। यस सम्बन्धमा प्रहरीले थप अनुसन्धान गरिरहेको जिल्ला प्रहरी कार्यालय कैलालीका प्रवक्ता कुलदिप चन्दले बताए।

कैलालीः एकै दिन कैलालीका ७ फरार प्रतिबादी पक्राउ परेका छन्। जिल्ला अदालत कैलालीको बिभिन्न मितिको फैसलाले कैद सजाय तथा जरिवाना ठहर भई फरार रहेका बिभिन्न मुद्दाका फरार प्रतिवादीहरुलाई बुधवार जिल्ला प्रहरी कार्यालय कैलाली तथा मातहत प्रहरी ईकाइहरुबाट खटिएको प्रहरी टोलीले पक्राउ गरेको जिल्ला प्रहरी कार्यालय कैलालीले जनाएको छ।
पक्राउ परेका फरार प्रतिबादीः 

१) लागू औषध मुद्दामा ४ महिना ३ दिन कैद सजाय र रु.२,०००।– जरिवाना ठहर भएका
कैलालीको गादावरी नगरपालिका–५ बस्ने दिनरश चौधरी ।
२) सरकारी छाप किर्ते मुद्दामा ५ महिना २८ दिन कैद सजाय र रु.५० हजार जरिवाना
ठहर भएका कैलालीको धनगढी उपमहानगरपालिका–१४ बस्ने धन बहादुर तामाङ् ।
३) सरकारी छाप किर्ते मुद्दामा ५ महिना २१ दिन कैद सजाय र रु.५० हजार जरिवाना
ठहर भएका कैलालीको धनगढी उपमहानगरपालिका–१४ बस्ने दोर्चे लामा ।
४) जुवातास मुद्दामा २६ दिन कैद सजाय ठहर भएका जिल्ला कैलालीधनगढी उपमहानगरपालिका–४ बस्ने देवराज पाठक ।
५) वन मुद्दामा रु. २ हजार ९५९ जरिवाना ठहर भएका कैलालीको गोदावरी नगरपालिका–७ बस्ने जिबन चौधरी ।
६) वन मुद्दामा रु.२ हजार ९५९ जरिवाना ठहर भएका जिल्ला कैलाली गोदावरी नगरपालिका–७ बस्ने भोजलाल चौधरी ।
७) वन मुद्दामा रु.२ हजार ९५९ जरिवाना ठहर भएका जिल्ला कैलाली गोदावरी नगरपालिका–७ बस्ने कर्मराज चौधरी रहेको प्रहरीले बताएको छ।

धनगढीः कैलालीमा एक नाबालकले युवतीमाथि जबरजस्ती करणी गरेको आरोपमा पक्राउ परेका छन्।

सोमबार जिल्लाको लम्कीचुहा नगरपालिका–१ का १७ वर्षीय नाम गोप्य राखिएका एक नाबालकले युवतीमाथि जबरजस्ती करणी गरेको आरोपमा उनलाई पक्राउ गरिएको हो। प्रहरीका अनुसार २५ वर्षीया युवतीमाथि ती नाबालकले करणी गरेको स्वीकार गरेका छन्।

उनले सुस्त मनस्थिति रहेकी ती युवतीलाई बोलाएर करणी गरेको प्रहरीको दाबी छ। करणीमा परेकी युवतीले घरमा भनेपछि प्रहरीमा उजुरी आएकोमा घटना सार्वजनिक भएको हो। लम्कीमा यस्तो घटना भएको जानकारी जिल्लालाई प्राप्त भएको डीएसपी कुलदिप चन्दले बताए।

 कैलाली प्रहरीले फरार रहेका १० जना प्रतिवादीलाई जिल्लाको विभिन्न स्थानबाट पक्राउ गरेको छ । जिल्ला प्रहरी कार्यालयबाट खटेको प्रहरी टोलीले उनीहरुलाई पक्राउ गरेको हो ।

पक्राउ परेका प्रतिवादीहरुलाई सजाय भुक्तानका लागि कैलाली जिल्ला अदालतमा बुझाएको प्रवक्ता एवम् प्रहरी नायब उपरीक्षक कुलदीप चन्दले जानकारी दिनुभयो । पक्राउ पर्नेमा लागुऔषध मुद्दाको गोदावरी नगरपालिका–२ बस्ने ३२ वर्षीय सञ्जय जनाला सुनार, बैङ्किङ कसुर मुद्दाको गोदावरी नगरपालिका–१० का २४ वर्षीय पवन रावत, जालसाझी मुद्दाको भजनी नगरपालिकास्थित बिजुलियाका ४० वर्षीय खुशीराम डङ्गौरा, सोही ठाउँकै चन्नी डङ्गौरा थारु छन् ।

यस्तै, भजनी नगरपालिका–१ भजनी बजार बस्ने चेक अनादर मुद्दाका प्रतिवादी ३६ वर्षीय पुरन जैशी, लागुऔषध खैरो हेरोइन मुद्दाको प्रतिवादी लम्कीचुहा नगरपालिका–१० का भूपेश भन्ने शिशिर थापा पनि पक्राउ परेका छन् । थापालाई अदालतले नौ वर्ष ९ महिना २२ दिन कैद सजाय र १० लाख जरिवाना सुनाएको छ ।

यसैगरी, जुवा मुद्दाको प्रतिवादी टीकापुर नगरपालिका–१ का नृपबहादुर विष्ट, गाली बेइज्जती मुद्दाको सोही ठाउँकै मीनबहादुर कुँवर सङ्गीता कुँवर र ज्यान मार्ने मुद्दाको २९ वर्षीय सोनु बोगटीलाई प्रहरी पक्राउ गरेको छ । सोनुलाई अदालतले पाँच वर्ष कैद सजाय सुनाएको जनाइएको छ ।

धनगढीः कैलालीको धनगढीबाट लागूऔषध मुद्दाका फरार प्रतिबादी पक्राउ परेका छन्।

धनगढी उपमहानगरपालिका-२ बस्ने ३४ वर्षीय गोरे भन्ने रबी शर्मालाई प्रहरी चौकी त्रिनगर, कैलालीबाट खटिएको प्रहरी टोलीले बिहीवार दिउँसो सोही स्थानबाट पक्राउ गरेको हो। जिल्ला अदालत कैलालीको फैसलाले लागूऔषध मुद्दामा ४ महिना १९ दिन कैद सजाय ठहर भएपछि उनी फरार रहेका थिए।

धनगढीः कैलालीको धनगढीमा एक किशोर मृत फेला परेका छन। धनगढी उपमहानगरपालिका वडा नम्बर १ का गीता नेपालीका १९ वर्षीय छोरा दिवान मृत फेला परेका हुन्। उनी आफ्नै घरमा मृत फेला परेका प्रदेश प्रहरी कार्यालय, धनगढीले बताएको छ। घटनाको विषयमा प्रहरीले आवश्यक अनुसन्धान गर्दैछ।