डडेल्धुराः डडेल्धुराबाट कुटपिट मुद्दाका फरार प्रतिवादी पक्राउ परेका छन्।
जिल्ला अदालत डडेल्धुराको फैसलाले कुटपिट मुद्दामा २५ हजार जरिवाना र ३५ हजार क्षतीपुर्ती तोकिएको पर्शुराम नगरपालिका-२ गोगन बस्ने ३८ वर्षीय लालबहादुर बोहरा पक्राउ परेका छन्। बोहरालाई इलाका प्रहरी कार्यालय जोगबुढाबाट खटिएको प्रहरी टोलीले शुक्रवार उनकै घरबाट पक्राउ गरेको हो।
धनगढी, कात्तिक २३ गते। गौरीफन्टा नाकाबाट नेपाल प्रवेश गर्ने एक यात्रुबाट नेपाली सुरक्षाकर्मीलाई दिनुपर्ने बहाना बनाउँदै पैसा असुल गर्ने दुई अटो चालकलाई कैलाली प्रहरीले पक्राउ गरेको छ।
पक्राउ पर्नेमा धनगढी उपमहानगरपालिका–३, मिलन चौक निवासी २८ वर्षीय मानबहादुर बयाडी र वडा नम्बर २, चौराहा निवासी ३१ वर्षीय करन बोहरा रहेका छन्। यी दुई अटो चालकले गोदावरी नगरपालिका–२, अत्तरियाका २७ वर्षीय लोकेन्द्र ओझाबाट नेपालतर्फका सुरक्षाकर्मीलाई दिनुपर्छ भन्दै २,००० भारतीय रुपैयाँ असुलेका थिए।
यात्रुहरूबाट अवैध रूपमा पैसा असुल गर्दै सुरक्षाकर्मीको बदनामी गर्ने प्रयास गरिरहेको भन्ने सूचनाको आधारमा सुरक्षा चौकी त्रिनगरबाट खटिएको प्रहरीले उनीहरूलाई नियन्त्रणमा लिएको हो। जिल्ला प्रहरी कार्यालय कैलालीका प्रवक्ता तथा प्रहरी नायब उपरीक्षक कवीन्द्रसिंह बोहराले असुलेको रकम फिर्ता गराइएको र दुवै चालकविरुद्ध आवश्यक कानुनी प्रक्रिया अघि बढाइएको जानकारी दिनुभयो।
कञ्चनपुरः धनगढीको ट्राफिक चोराहाबाट प्रहरीले अवैध सामान बरामद गरेको छ। कैलालीको धनगढी उपमहानगरपालिका–२ ट्राफिक चौराहाबाट अवैध सामान बरामद गरेको प्रहरीले जनाएको छ।
जिल्ला प्रहरी कार्यालय कैलालीबाट खटिएको प्रहरी टोलीले भन्सार छलेर ल्याएको अन्दाजी ४० हजार ५०० मुल्य बराबरको खाध्य सामाग्री, किरानाका सामान, तथा कपडा बेवारिसे अवस्थामा फेला पारी नियन्त्रणमा लिएको हो।
धनगढीः कैलाली र डडेल्धुराबाट ३७ जना जुवाडे पक्राउ परेका छन्।
डडेल्धुराको गन्यापधुरा गाउँपालिका-३ गोयलखेतमा ३२ वर्षीय दिपक देउवाको घरबाट जुवातास खेलिरहेको अवस्थामा देउवासहित २८ जना पक्राउ परेका हुन्। जिल्ला प्रहरी कार्यालय डडेल्धुराबाट खटिएको प्रहरी टोलीले उनीहरुलाई नगद ४ लाख ४१ हजार ८६९ र १६ गड्डी ताससहित पक्राउ गरेको हो।
यस्तै कैलालीको घोडाघोडी नगरपालिका-६ अस्नारा स्थित सहदेब भट्टको खाली कुखुरा फर्मबाट जुवातास खेलिरहेको अवस्थामा सोही ठाउँ बस्ने ३२ वर्षीय नेत्र साउदसहित ९ जना जुुवाडे पक्राउ परेका छन्।
यीनीहरुलाई इलाका प्रहरी कार्यालय सुखडबाट खटिएको प्रहरी टोलीले नगद २६ हजार ४२० र १ गड्डी ताससहित पक्राउ गरेको हो। बिहीवार पक्राउ परेका यी ३७ जनामाथि थप अनुसन्धान भईरहेको प्रहरीले जनाएको छ।
अत्तरिया, कात्तिक १४ गते । लागूऔषध गाँजासहित प्रहरीले ८ जनालाई पक्राउ गरेको छ । गाँजा र चार सुल्पासहित पक्राउ गरिएको जिल्ला प्रहरी कार्यालय कैलालीले जनाएको छ ।
पक्राउ पर्नेमा जानकी गाउँपालिका –७ बस्ने २२ वर्षीय विक्रम विश्वकर्मा, १९ वर्षीय प्रविन सिंह, २१ वर्षीय वीरेन्द्र विक, २१ वर्षीय रिजन विश्वकर्मा, २२ वर्षीय राहुल विक रहेको प्रहरीको भनाइ छ ।
यस्तै, बर्दगोरिया गाउँपालिका –४ बौनिया बस्ने १९ वर्षीय हेमन्त तिरुवा, २६ वर्षीय तेजश विश्वकर्मा र २५ वर्षीय बिर्जु विश्वकर्मा रहेका छन् । पक्राउ सबै जनालाई जानकी गाउँपालिका–७ मोतिनगरस्थित सडक छेउमा भत्केको पुरानो घरको कोठाभित्र सामुहिक रुपमा गाँजा सेवन गरिरहेको अवस्थामा ४ वटा सुल्पा र ८० ग्राम गाँजासहित इलाका प्रहरी कार्यालय टीकापुरबाट खटिएको प्रहरी टोलीले नियन्त्रणमा लिएको थियो ।
धनगढीः कैलालीको धनगढीबाट लागुऔषधसहित तीन जना पक्राउ परेका छन्।
धनगढी उपमहानगरपालिका–१ शिवनगरबाट सोही ठाउँका २१ वर्षीय अर्जुन बोगटीलाई ५५० मिलिग्राम, र धनगढी उपमहानगरपालिका– ५ का १८ वर्षीय किशोरलाइ ५४० मिलिग्राम लागुऔषधसहित वडा प्रहरी कार्यालय धनगढी कैलालीबाट खटिएको प्रहरी टोलीले नियन्त्रणमा लिएको हो।
यसैगरी स्थायी प्रहरी पोष्ट बसपार्क कैलालीबाट खटिएको प्रहरी टोलीले धनगढी उपमहानगरपालिका– ४ बसपार्कबाट दिपायल सिलगढी नगरपालिका–५ बस्ने २४ वर्षीय प्रदिप धोवीलाई ७० मिलिग्राम लागू औषधसहित तीनै जनालाइ शनिबार प्रहरीले नियन्त्रणमा लिएको जिल्ला प्रहरी कार्यालय कैलालीले जनाएको छ।
कञ्चनपुरः कञ्चनपुुरबाट ४ लाख बढीको अबैध सामान बरामद गरिएको छ।
इलाका प्रहरी कार्यालय त्रिभुवनबस्तीबाट खटिएको प्रहरी टोलीले ४५ हजार ८ सय, इलका प्रहरी कार्यालय गड्डाचौकीले २ लाख ९० हजार ६१० र प्रहरी चौकि.जिमुवाले ७४ हजार गरि जम्मा ४ लाख १० हजार ४१० मुल्य बराबरको भन्सार छलीको सामान प्रहरीले बरामद गरेको हो।
उक्त मुल्य बराबरको भन्सार छलीको चिनी, मिश्री, प्लास्टिक झिल्ली, खेलौना,कट्टु,किरानाको सामान,हार्डवेयर सामान, मोबाईलको डिस्पीले, झिलमिले लाईट,मोबाईलको ब्याट्री, कपडा,सुट, कुर्ता सुरुवाल, साडी, पेटिकोट र पछयौरी लगायतका सामान नियन्त्रण्मा लिइ आवश्यक कारवाहीको लागि भन्सार कार्यालय पठाईएको जिल्ला प्रहरी कार्यालय कञ्चनपुरले जनाएको छ।
डडेल्धुरा, कात्तिक ६ गते । शौचालयको ढल सिधै खुल्ला नालीमा फालिदा जिल्ला सदरमुकाम डडेल्धुरा दुर्गन्धित बनेको छ । वर्षौदेखि शौचालयको ढल नालीमा छोडिँदै आएको छ । यसले जिल्ला सदरमुकामको बागबजार बगरकोट सडक बजार दुर्गन्धित बनेको छ भने विभिन्न रोगको सङ्क्रमण समेत बढेको छ । प्रशिद्ध धार्मिक मन्दिर घटालथान प्रवेश गर्ने द्वारदेखि करिब २०० मिटर दूरीसम्मको बजार क्षेत्रको शौचालयको ढल खुल्ला नालीमा छोडिएको छ ।
नालीबाट दुर्गन्ध आउने भएकाले स्थानीयहरुले आ–आफनो घर अगाडीको नाली टीनका पाताले छोपेका छन् । कतिपय सेप्टी टङ्कीपनि टीनका पाताले छोपिएका छन् । बगरकोट सडक बजार क्षेत्रका होटेल, पसल र केही स्थानीयका शौचालयको ढल खुल्ला नालीमा छोडिएको स्थानीयहरुको गुनासो छ । यसको उचित व्यवस्थापन हुनुपर्ने माग स्थानीयहरुको छ । तर हालसम्म पनि समस्याको समाधान हुन नसकेको भन्दै आइतबार स्थानीयहरुले संयुक्त रुपमा हस्ताक्षर गर्दै अमरगढगी नगरपालिकालाई निवेदन बुझाएका छन् ।
यस क्षेत्रका स्थानीयहरुले फोहोर व्यवस्थापन हुनुपर्ने माग राख्दै जिल्ला प्रशासन कार्यालय डडेल्धुरालाई बोधार्थ राखेर अमरगढी नगरपालिकाको कार्यालयमा निवेदन बुझाएको स्थानीय पवन ऐरले बताउनुभयो । अमरगढी नगरपालिका ५ मा पर्ने यहाँबाट अमरगढी नगरपालिका २, ३ वडासँगै भागेश्वर गाउँपालिका र बैतडीको तल्लो स्वराड क्षेत्र मेलौली नगरपालिका, शिवनाथ र पञ्चेश्वर गाउँपालिकाका स्थानीयहरुको आउजाउ गर्ने मुख्य सडक बाटो हो ।
दिभरी नै यस सडकमा दोहोरो गाडी पार्किङ गरी राखिएका हुन्छन् । साँघुरो सडकमा दोहोरो पार्किङले आउजाउ गर्न समस्या हुनुका साथै दुर्घटनाको जोखिम बढाएको छ । यसैमाथि फोहोर व्यवस्थापन नहुनु र शौचालयको ढल खुल्ला नालीमा छोडिएको छ । दुर्गन्धका कारण यस क्षेत्रमा आउजाउ गर्न निकै कठिन हुने गरेको उहाँले बताउनुभयो । दुर्गन्धका कारण राति घरमा बस्नै नसकिने स्थानीय राजेन्द्र पनेरुको गुनासो छ ।
आइतबार निवेदन बुझाएपछि सोमबार बिहान मात्रै अमरगढी नगरपालिकाले यस क्षेत्रमा सरसफाई गरेको स्थानीय गोयलदत्त पाण्डेयले बताउनुभयो । अमरगढी नगरपालिकाले बजार सबै क्षेत्रबाट प्रत्येक दिन बिहान फोहोर उठाउने गरेको छ । तर यस क्षेत्रबाट भने थिएन । उहाँले आइतबार २७ जनाले सरसफाई र ढलको निकासका लागि सामूहिक निवेदन बुझाएपछि बल्ल फोहोर उठेको जानकारी दिनुभयो । तर नालीमा मिसाइएको शौचालयको ढलले बजार दुगन्धित नै रहेको उहाँले बताउनुभयो ।
नालीमा मिसाइएको शौचालयको ढलको व्यवस्थापन नगरिए महामारी फैलिन सक्ने भन्दै स्थानीय त्रसित बनेका छन् । केहीको लापरवाहीका कारण यस क्षेत्रमा बसोबास गर्ने हजारौं स्थानीयले यस क्षेत्र भएर आउजाउ गर्नेहरुले समस्या भोग्नुपर्ने भन्दै स्थानीयहरुले चाँडै ढल व्यवस्थापन हुनुपर्ने माग अमरगढी नगरपालिका समक्ष राख्नुभएको छ ।
धनगढीः कैलालीको धनगढीमा खैरो हेरोइनसहित २ जना युवक पक्राउ परेका छन्।
धनगढी उपमहानगरपालिका-७ मनेहरा सिविरबाट सोही ठाउँ बस्ने २२ वर्षीय नरेश राना र देवरिया बस्ने २८ वर्षीय सेवाराम राना पक्राउ परेका हुन्। उनीहरुलाई २ ग्राम २७० मिलिग्राम लागूऔषध (खैरो हेरोइन)सहित जिल्ला प्रहरी कार्यालय कैलालीबाट खटिएको प्रहरी टोलीले फेला पारि पक्राउ गरेको जनाएको छ।
दार्चुलाः दार्चुलाबाट भन्सार छलीका सामानसहित २ जना पक्राउ परेका छन्।
दार्चुलाको महाकाली नगरपालिका–४ मल्ला बाङ्गाबगडमा बिरबहादुर बोहराले संचालन गरेको बीएम जनरल स्टोरको गोदाममा जिल्ला प्रहरी कार्यालय दार्चुलाबाट खटिएको प्रहरी टोलीले खानतलासी गर्दा अवैध रुपमा भारतबाट भन्सार छली गरि ल्याएका २ लाख ३७ हजार ६ रुपैयाँ मूल्य बराबरको सामान फेला पारेको हो। बोहराको गोदामबाट भन्सार छलीका चिनी, बिडी, खाने तेल, चप्पल, खुद्रा किराना लगायतका सामान बरामद गरिएको दार्चुला प्रहरीले जनाएको छ।
यस्तै नौगाड गाउँपालिका–२ घर भई हाल महाकाली नगरपालिका–४ मल्ला बाङ्गाबगड बस्ने करन सिंह ठगुन्नाले संचालन गर्दै आईरहेको ठगुन्ना किराना पसलको गोदामबाट पनि ४७ हजार ४७० मूल्य बराबरको भन्सार छली गरि ल्याएका सामान जिल्ला प्रहरी कार्यालय दार्चुलाबाट खटिएको प्रहरी टोलीले बरामद गरेको छ।
ठगुन्नाको गोदामबाट भन्सार छली गरि ल्याएका आटा, चामल, खानेतेल, चिनी, चप्पल लगायतका सामान प्रहरीले बरामद गरेको छ। खानतलासी गर्दा फेला परेका सामानसहित बोहरा र ठगुन्ना दुवै जनालाई नियन्त्रणमा लिएको प्रहरीले बताएको छ।
धनगढीः कैलालीको धनगढीबाट खैरो हेरोइनसहित ६ जना एकैदिन पक्राउ परेका छन्।
धनगढी उपमहानगरपालिका–१२ मनेहरा सिविरबाट सोही ठाउँ बस्ने २४ वर्षीय नविन चौधरी, २२ वर्षीय सन्दीप चौधरी, २४ वर्षीय बाधुराम चौधरी र २२ वर्षीय लोकेन्द्र गिरी पक्राउ परेका हुन्। यी चार जनालाई २ सय ९० मिलिग्राम लागूऔषध (खैरो हेरोइन)सहित फेला पारि प्रहरीले पक्राउ गरेको हो।
यस्तै धनगढी उपमहानगरपालिका–२ भन्सार कार्यालय नजिकबाट गोदावरी नगरपालिका–१० दमौरा बस्ने २१ वर्षीय निराजन ताम्राकार ३ सय ६० मिलिग्राम खैरो हेरोइनसहित पक्राउ परेका छन्।
धनगढी उपमहानगरपालिका–७ सद्भावना टोलबाट सोही ठाउँ बस्ने २७ वर्षीय बसन्त चौधरी पनि ३ ग्राम १८० मिलिग्राम खैरो हेरोइनसहित पक्राउ परेका हुन्। यी ६ जनालाई आइतवार जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको जनाएको छ।
धनगढीः धनगढीबाट ११ जना जुवाडे पक्राउ परेका छन्।
धनगढी उपमहानगरपालिका–५ हसनपुर स्थित प्रकाश भाटको घरमा जुवातास खेलिरहेको अवस्थामा धनगढी उपमहानगरपालिका–३ बस्ने २४ वर्षीय रोहित सिजापतीसहित ११ जना पक्राउ परेका हुन्।
आइतवार जिल्ला प्रहरी कार्यालय कैलालीबाट खटिएको प्रहरी टोलीले उनीहरुलाई नगद १ लाख ५३ हजार ३५० र १० गड्डी ताससहित पक्राउ गरेको जनाएको छ। पक्राउ परेका ११ जनाको नाम भने प्रहरी सार्वजनिक गरेको छैन्।