घोडाघोडी (कैलाली)
थारू समुदायले परापूर्वकालदेखि मनाउँदै आएको मौलिक सांस्कृतिक तिहुवार(पर्व)‘गुरही’ यस वर्ष श्रावण १३ गते कैलाली घोडाघोडी नगरपालिका–१, सुखडचोकमा भव्य रूपमा मनाइने भएको छ । नेपालमा हरेक वर्ष थारु सामुदायले नाग पञ्चमीकै दिन गुरही पर्व मनाइने गरिन्छ । उक्त कार्यक्रम घोडाघोडी नगर भलमन्सा कार्यसमितिको आयोजनामा कैलालीको  मध्यवर्ती क्षेत्र घोडाघोडीको सुखड मेनचौकमा नगर स्तरिय गुरही असरैना कार्यक्रम–२०८२ हुने भएकोछ ।
खेतीपाती सकिएपछि धानबालीमा कीरा नलागोस् भन्ने जनविश्वासका साथ मनाइने यो तिहुवारमा बालबालिकाले रंगीचंगी कपडाबाट गुरिया (गुरही) बनाएर बबीयो (बन्कस)सोता बनाई गाउँको चोकमा गुरही असरैना चलन छ । साँझपख गाउँका दाजुभाइ र दिदीबहिनीहरू चौतारामा भेला भएर सामूहिक रूपमा गुरही सेलाउने परम्परा रहिआएको छ ।
घोडाघोडी नगर भलमन्सा कार्यसमितिका नगर सचिव अमन चौधरीका अनुसार, गुरही सांस्कृतिक पर्व मात्रै होइन, आपसी सद्भाव र सामूहिक चेतनाको प्रतीक पनि हो । गुरहीसँगै ल्याइएको गेडागुडी, भुजा आदिलाई बाँडेर नाचगान गर्ने र रमाइलो गर्ने चलन यस तिहुवार(पर्व)सँग जोडिएको छ ।
यस वर्ष कैलालीका अन्य थारू बस्तीहरूमा पनि सामूहिक रूपमा गुरही पर्व मनाउने तयारी भइरहेको छ भने स्थानीय तहहरूले सार्वजनिक बिदा दिने तयारी समेत गरेका छन ।