दशैँ मिलन तथा प्रथम खुल्ला डे–पेनाल्टी सुटआउट फुटबल प्रतियोगिता २०८२ हुने

कैलाली ।
दशैँको अवसर पारेर कैलालीमा दशैँ मिलन तथा प्रथम खुल्ला डे–पेनाल्टी सुटआउट फुटबल प्रतियोगिता २०८२ हुने भएको छ। प्रतियोगिता असोज १४ गते बिहान ११ बजेबाट घोडाघोडी नगरपालिका–१ जनकपुर गाउँस्थित मैदानमा सुरु हुने आयोजकले जनाएको छ।

आयोजक सुखी युवा क्लब र जनकपुर गाउँ समाजका अनुसार प्रतियोगितामा सहभागिता जनाउनका लागि इन्ट्री शुल्क रु १,००० तोकिएको छ। टोलीले पहिलो चरणको खेल नसकिँदै पुनः रि-इन्ट्री गर्दा शुल्क रु ७०० मात्र लाग्नेछ। प्रत्येक टिममा अधिकतम ६ जना खेलाडीको नाम दर्ता गर्न पाइने व्यवस्था गरिएको छ।

प्रतियोगितामा विजेता हुने टोलीले नगद रु १०,५०० सहित बाख्रा प्राप्त गर्नेछ भने द्वितीय हुने टोलीले रु ५,५०० सहित बाख्रा पाउनेछ। यस्तै, तृतीय हुने टोलीलाई रु २,५०० सहित बाख्रा र चौथो हुने टोलीलाई रु १,५०० सहित ४ केजी बोइलर उपलब्ध गराइनेछ।

प्रतियोगिताको मुख्य प्रायोजक घोडाघोडी इट्टा उद्योग, जोशीपुर–७ घैला रहेको आयोजकले जानकारी दिएको छ।