नाचगानसहित उत्साहपूर्ण उम्मेदवारी दर्ता : कैलाली–५ मा प्रेम आले र नरनारायण शाह चुनावी मैदानमा

अविनाश चौधरी

धनगढी, माघ ६ गते। कैलाली क्षेत्र नम्बर ५ मा नेपाली कम्युनिस्ट पार्टी (नेकपा) बाट प्रेम आले र नेपाली कांग्रेस पार्टीबाट नरनारायण शाह मनुले उम्मेदवारी दर्ता गराउनु भएको छ।

तत्कालीन नेकपा (एकीकृत समाजवादी) का आलेलाई तत्कालीन नेकपा (माओवादी केन्द्र), नागरिक उन्मुक्ति पार्टीसमेतको तीन दलको नेकपाले यहाँ उम्मेदवार बनाएको हो। नेकपा र कांग्रेस पार्टी नाचगानसहित उत्साहपूर्वक उम्मेदवारी दर्ता गराउन मुख्य निर्वाचन अधिकृतको कार्यालय पुगेका थिए।

नेकपाका आले तत्कालीन समयमा एमालेबाट २०७४ को आम निर्वाचनमा जित हासिल गर्नु भएको थियो। उहाँ नेपाली कांग्रेसका शेरबहादुर देउवा नेतृत्वकको सरकारमा संस्कृति, पर्यटन तथा नागरिक उड्डयन मन्त्री हुनुहुन्थ्यो।

यसैगरी, नेपाली कांग्रेसबाट उम्मेदवारी दिनु भएका शाह भने आम निर्वाचनमा पहिलो पटक उम्मेदवार बन्नु भएको छ।