जिल्लाको घोडाघोडी नगरपालिका १ सुखडमा खानेपानी बिग्रिँदा स्थानीयलाई सास्ती भएको छ।
दुई दिन देखि खानेपानी न आउँदा स्थानीयले ठुलो सास्ती भोगिरहेका छन्। स्थानीयका अनुसार खानेपानी न हुँदा खाना पकाउन लाई समेत पानी को अभाव भएको छ।
खाना पकाउन , लुगा कपडा धुन तथा अन्य कुरा को लागि पनि न हुँदा यहाँका स्थानीय मारमा परेका हुन्। केही को घरमा नल्का भएपनि सबैको घरमा नहुँदा धेरै ठूलो सास्ती भोग्नुपरेको एक स्थानीयले बताउनु भयो। विभिन्न कार्यले कोठा भाडामा लिएर बस्नेहरुलाई भने यो समस्याले झन मारमा परेको छ।
यस विषयमा बुझ्न सुखड दरख खानेपानी उपभोक्ता समूहमा जाँदा पूर्व पश्चिमको छेउमा रहेको कवाडी खाना निर ट्रकले पाइप लाइन मा समस्या पुगाउँदा समस्या भएको खानेपानी समूहका अध्यक्ष निरज मल्लले जानकारी दिनुभएको छ। छिट्टै यो समस्या समाधान गरी सबै स्थानीयमा खानेपानी पुग्ने अध्यक्ष मल्लले बताउनुभयो।