धनगढीः बेमौसमी वर्षाका कारण किसानको धानबालीमा आंशिक क्षति पुगेको छ। सोमबार आएको हावाहुरीसँगै परेको वर्षाले किसानको धानबालीमा क्षति पुगेको छ।
आइतबार बेलुका परेको हिमपातले दार्चुलाको तल्लो क्षेत्रमा चिसो बढेको छ। लेकाली भेगको हिमपातले उँचाइका बस्तीमा चिसो बढेपछि जनजीवन प्रभावित बन्न पुगेको छ। मौसम बदली भई आइतबार बेलुकातिर हिमपात भएको दार्चुलाको ब्यास गाउँपालिका–१ तिंकरका स्थानीय हितेश बुढाथोकीले बताएका छन्। शनिबार र आइतबार तिंकरमा हिमपात भएको हो।
दार्चुलामा हावाहुरीसहित असिना पानी परेको हो। बैतडीका पुरचौडी, डिलासैनी, दोगडाकेदार, सिगास गाउँपालिकामा पनि असिना पानीले अन्नबालीमा क्षति पुगाएको छ। बेमौसमी वर्षाले कैलाली र कञ्चनपुरसहित पहाडी जिल्लामा समेत क्षति पुगाएपछि किसान चिन्तित बनेका छन्।
