कैलाली, कात्तिक २३ – घोडाघोडी स्पोर्ट्स क्लब र रोयल युवा क्लबको आयोजनामा दोस्रो घोडाघोडी कप फुटबल प्रतियोगिता २०८१ हुने भएको छ। कैलाली जिल्लाको घोडाघोडी नगरपालिका–३ निम्दीमा २०८१ मंसिर १५ गतेदेखि सुरु हुने भएको छ ।
प्रतियोगितामा सहभागिता जनाउन इच्छुक टोलीहरूले मंसिर १४ गतेभित्र टिम दर्ता गरिसक्नुपर्नेछ। दर्ता शुल्क तीन हजार पाँच सय रुपैयाँ तोकिएको छ। प्रतियोगिताका उद्घाटन कार्यक्रम मंसिर १५ गते बिहान १० बजे हुनेछ ।
विजेता टोलीले नगद ५० हजार रुपैयाँसहित ट्रफी प्राप्त गर्नेछन भने दोस्रो स्थान हासिल गर्ने टोलीले २५ हजार रुपैयाँ र ट्रफी पाउनेछन । प्रतियोगिता व्यवस्थित रूपमा सञ्चालन गर्नका लागि खेलाडीहरूले आफ्नो स्वास्थ्य र सुरक्षा व्यवस्थापन आफैँले गर्नुपर्ने व्यवस्था गरिएको छ ।
सहभागी टोलीहरूले केही नियम र सर्तहरूको पालना गर्नुपर्नेछ । खेलाडीले मैदानमा अनुशासनमा रहनुपर्ने र कुनै विवाद सिर्जना भएमा आयोजकको निर्णय अन्तिम मान्नुपर्ने छ । साथै प्रतियोगितामा कार्ड पाएका टिम, खेलाडीले जरिवाना तिर्नुपर्ने छ । यस प्रतियोगितामा विभिन्न फुटबल टोलीहरूले प्रतिस्पर्धा गर्नेछन् ।
मिति : मंसिर १५ गतेदेखि
स्थान: घोडाघोडी–३, निम्दीमा कैलाली
प्रवेश शुल्क: रु. ३,५०० मात्र
पुरस्कार:
- पहिलो पुरस्कार: नगद रु. ५०,००० र ट्रफी
- दोस्रो पुरस्कार: नगद रु. २५,००० र ट्रफी
