अविनाश चौधरी
धनगढी, वैशाख १६ गते। कैलालीको धनगढीस्थित सेती प्रादेशिक अस्पतालको तेस्रो तल्लाबाट आज हाम फालेर एक बिरामी घाइते हुनुभएको छ।
अस्पतालमा उपचाररत मिर्गौला पीडित गोदावरी नगरपालिका–१ का ६३ वर्षीय चक्रबहादुर सिंह हाम फालेर घाइते हुनु भएको हो।
अस्पतालको तेस्रो तल्लाबाट हाम फाल्नु भएका उहाँलाई गम्भीर चोट लागेको अस्पतालका सूचना अधिकारी किशोर श्रेष्ठले बताउनुभयो।
घाइते सिंहको सेतीमै उपचार भइरहेको जनाइएको छ। सिंहलाई सोमबार चिकित्सकले मेडिकल वार्डमा भर्ना गरेका जनाइएको छ।