धनगढीको दून एकेडेमीमा ११६औँ अन्तर्राष्ट्रिय नारी दिवस मनाइयो

धनगढी — धनगढी उप–महानगरपालिका–३ स्थित दून एकेडेमीले ११६औँ अन्तर्राष्ट्रिय नारी दिवसको अवसरमा विविध कार्यक्रम आयोजना गरी मनाएको छ।

कार्यक्रमका क्रममा विद्यालयका महिला शिक्षक तथा कर्मचारीहरूलाई सम्मान गरिएको थियो। साथै विद्यार्थीहरूले नारीको महत्व र योगदानसम्बन्धी कविता तथा गजल प्रस्तुत गरेका थिए।

कार्यक्रममा बोल्दै शिक्षिका गायत्री भट्टराईले नारीलाई सम्मान गर्नुपर्नेमा जोड दिँदै नारीहरू केवल परिवारका आधार मात्र नभई राष्ट्र निर्माणका बलिया स्तम्भसमेत भएको बताउनुभयो।

कार्यक्रमको सञ्चालन शिक्षक वीरबहादुरले गर्नुभएको थियो भने अध्यक्षता विद्यालयका प्रधानाध्यापक आर.पी. उपाध्यायले गर्नुभएको थियो। अध्यक्षीय मन्तव्यका क्रममा उहाँले सशक्त नारीले सशक्त समाज र समृद्ध राष्ट्र निर्माणमा महत्वपूर्ण भूमिका खेल्ने बताउनुभयो।