बर्दगोरियामा जेटी कप क्रिकेट प्रतियोगिता हुँदै

बैशाख २, बाैनिया,कैलाली

जिल्लाकाे बर्दगाेरिया गाँउपालिका वडा नम्बर १ मा अवस्थित जगत तारा इङ्लिस बाेर्डिङ्ग स्कुलकाे आयाेजनमा पुन: जेटि कप क्रिकेट प्रतियोगिता हुने भएको छ ।
बिचमा काेराेना लगाएत बिबिध कारणले स्थगित भएको प्रतियोगिताले यस वर्षबाट पुन निरन्तरता पाउन लागेको बिद्यालय प्रशासनले हामीलाई जानकारी दिएकाे छ । २०७२ साल बाट २०७६ सालसम्म निरन्तर पाच संस्करण सम्म प्रतियाेगिता सञ्चालन भएको थियो । कैलाली जिल्लाकाे हाइवे क्षेत्रमा र बिद्यालय तहको क्रिकेटमा जग बसाउनमा जगत तारा स्कुलकाे भुमिका महत्त्वपूर्ण रहेको क्रिकेट क्षेत्रका जानकार हरुकाे भनाइ रहेको छ ।
यस अघि पाँच संस्करण सम्म सञ्चालन भएको प्रतियोगिताकाे पहिलो संस्करण आयाेजक बिद्यालयले जित्दा दाेस्राे , तेस्रो र चाैथाे संस्करण काे विजेता टिकापुरमा अवस्थित आर.एम.इ स्कुल भएको थियो । यस्तै पाचौं संस्करणको उपाधि भने लम्किचुहा नगरपालिका काे वलियामा अवस्थित क्याम्ब्रिज इङ्गलिस स्कुलले जितेको थियो ।
प्रतियोगिताकाे फर्म्याट , पुरस्कार राशि र मितिकाे बारेमा केहि दिनमा पत्रकार सम्मेलनकाे आयाेजना गरेर जानकारी गराइने बिद्यालयले जानकारी दिएको छ । यस अघिका प्रतियोगिता जस्तै याे बर्ष समेत प्रतियोगिता आयाेजना गर्नमा सम्पूर्ण सराेकार वाला निकायहरूको सहयोग रहने आयाेजकले बिश्वास लिएको बिद्यालय प्रसासनले बताएको छ ।