सुखड, पुस २२ गते ।
कैलालीको ऐतिहासिक तथा धार्मिक महत्व बोकेको घोडाघोडी नगरपालिका–७ कृतिपुरस्थित बुट्का बाबा मन्दिरमा यस वर्ष पनि माघी सङ्क्रान्ति तीर्थ मेला आयोजना हुने भएको छ । “भाषा, धर्म, संस्कृति तथा पर्यटन प्रवर्द्धन, पवित्र धार्मिक स्थल बुट्का बाबाको संरक्षण” भन्ने मूल नाराका साथ माघी सङ्क्रान्ति तीर्थ मेला–२०८२ सञ्चालन गर्न लागिएको हो ।
बुट्का बाबा मेला व्यवस्थापन समिति र घोडाघोडी मिडिया सञ्चार समूहले मंगलबार आयोजित पत्रकार सम्मेलनमार्फत मेलाबारे जानकारी गराएका हुन् । समितिका अनुसार मेला पुस ३० गतेदेखि माघ ४ गतेसम्म पाँच दिन सञ्चालन हुनेछ ।
मेलामा राष्ट्रिय तथा स्थानीय कलाकारहरूको प्रस्तुति रहनेछ भने थारु समुदायको मौलिक संस्कृति झल्काउने परम्परागत नृत्य, भेषभूषा तथा खानाका परिकारहरूको विशेष प्रदर्शन गरिने मेला व्यवस्थापन समितिका संयोजक अमन चौधरीले जानकारी दिए । साथै मेलामा थारु संस्कृति झल्किने सांस्कृतिक कार्यक्रमसँगै स्थानीय उत्पादन तथा उपभोग्य वस्तुका एक सयभन्दा बढी स्टलहरू रहने आयोजकले जनाएको छ ।
स्थानीय जानकारहरूका अनुसार २०२१ सालमा भूमि ऐन लागू भएपछि सो क्षेत्रमा बस्ती विकास भएसँगै बुट्का बाबा मन्दिरमा नियमित पूजाआजा तथा मेला लाग्दै आएको हो । बुट्का बाबा मेलामा कैलालीसहित बर्दिया, दाङ, कञ्चनपुर लगायतका जिल्लाबाट हजारौँ श्रद्धालु आउने गरेका छन् । यसका साथै भारतको तिकुनिया, पलिया लगायतका क्षेत्रबाट समेत भारतीय नागरिकहरू मेला भर्न आउने गर्छन् ।
वर्षौँदेखि लाग्दै आएको यस मेलाले थारु जातिको धार्मिक तथा सांस्कृतिक पहिचानलाई उजागर गर्दै आएको मेला व्यवस्थापन समितिका संयोजक रामबहादुर चौधरीले बताए । बुट्का बाबा मन्दिर पौराणिक किंवदन्तीअनुसार भगवान् शिवको शक्तिपीठका रूपमा चिनिन्छ । माघ महिनामा यहाँ दर्शन गर्नाले मनोकामना पूरा हुने जनविश्वास रहँदै आएको छ ।
स्थानीयका अनुसार थारु भाषामा रुखको जरालाई ‘बुट्का’ भनिन्छ । भगवान् शिवले ध्यान गरेको स्थल भएकाले यस स्थानको नाम बुट्का बाबा रहन गएको विश्वास गरिन्छ । वर्षमा एकपटक लाग्ने यस मेलाले स्थानीयवासीको आयआर्जनमा समेत टेवा पुर्‍याउँदै आएको छ । गाउँको बीच भागमा रहेको यस तीर्थस्थलमा व्यापारका लागि टाढा–टाढाबाट व्यापारीहरू आउने गर्दछन् ।

कैलाली । कैलालीको बर्दगोरिया गाउँपालिका वडा नम्बर ६ मा यसपर्ष पनि माघी मेला संचालन हुने भएको छ । बर्दगोरिया गाउँपालिका वडा नम्बर ६ को आर्थिक सहयोगमा रामजानकी सेवा समाज सुगरखालको आोजना तथा कैलाली ईभेण्ट मिडियाको सह आयोजनामा यसपटक पनि माघी धार्मिक तिर्थ मेलाको आयोजना गरिने भएको हो ।

शुक्रबार पत्रकार सम्मेलन गर्दै आयोजक रामजानकी सेवा समाज बर्दगोरिया ६ सुगरखालका अध्यक्ष तथा मेला संयोजक चक्र बहादुर कठरियाले यस ठाउँको प्रचारप्रसारका लागि र बर्दगोरिया गाउँपालिकाको सबैभन्दा टाढा पर्ने यस ठाउँलाई चिनाउन तथा यस ठाउँको समग्र बिकास निर्माणमा दबाद दिनको लागि यो माघी मेला सञ्चालन गरिने वहाँले बताउनु भयो । बिशेषगरी यहाँ बर्षौ देखिको मुल समस्या बाटोको र दुई छिमेकी पालिका जोड्ने मोटर पुल निर्माणका लागि स्थानिय देखि प्रदेश र संघ सरकारलाई पहल तथा दबाब दिनका लागि बिगत २ बर्षदेखि यो मेला निरन्तर सञ्चालन गरिरहेको वहाँले बताउनु भयो । भेषभुषा, भाषा कला सस्कृतिको सम्मान ,यसको पहिचानका साथै बर्दगोरिया ६ मा रहेको धार्मिक ,सास्कृतिक तथा पर्यटकीय क्षेत्र भक्तिनिया अस्थानको प्रवर्द्धनमा टेवा पुर्याउने मुख्य उदेश्य सहित मेला संचालन गरिने मेला संयोजक कठरियाले जानकारी दिनुभयो ।

यस्तै वडा अध्यक्ष रामकृष्ण डगौरा थारुले यो मेलाले बर्दगोरिया गाउँपालिकाको पिछडिएको सुगरखाल, जोकाहीलाई चिनाउनमा मेलाले ठुलो भुमिका निर्वाह गरेको जिकिर गर्नुभयो । बिगतमा यो सुगरखाल भन्ने बित्तिकै मोह न्यालको साबिक सुगरखाल गाबिसलाई सम्झिने गरिन्थ्यो तर यो निरन्तर २ बर्ष देखि सञ्चालन हुर्दै आएको मेलाले यस ठाउँलाई चिनाउनमा ठुलो भुमिका खेलेको बताउनु भयो । यसैगरि बिशेषतः यहाँका स्थानिय रहनसहन, कलासँस्कृति, परम्परा तथा भेषभुषालाई पनि प्रर्दशन तथा स्थानिय परिकारहरुलाई यस मेला मार्फत बजारीकरण तथा प्रबद्र्धन गर्नमा सहज हुने अपेक्षा गएिको बताउनु भयो ।

रामजानकी धार्मिक क्षेत्रको प्रचार प्रसार गर्ने र आन्तरिक पर्यटनको प्रवद्र्धन, आपसी सद्भावका निम्ति आयोजना गर्न लागिएको मेलाको विशेष गरी थारु समुदायको नयाँ बर्षका रुपमा लिदै आएको माघी पर्वको अवसर पारी माघ २ गते उद्घाटन गरिनेछ । मेला सञ्चालनका लागि ब्यापारिक स्टल दर्ता पनि खुल्ला गरिएको आयोजकले जनाएको छ ।

बर्दगोरिया गाउँपालिका वडा नम्बर ६, स्थित रामजानकी मन्दिरको प्राङ्गण ,सुगरखालमा हुने मेलामा विभिन्न स्ट्ल ,राष्ट्रिय तथा स्थानीय कलाकारहरुका साथै विभिन्न झाकीहरुको समेत प्रस्तुती रहने छ ।

माघ २ गतेदेखि संचालन हुने मेला ४ दिनसम्म संचालन हुने जनाइएको छ ।